Xalqaro valyuta fondi (XVF) Ukrainadagi urush an’anaviy iqtisodiy va moliyaviy risklar bilan bir qatorda, uning geosiyosiy qismlarga bo‘linish xavfini keltirib chiqarishidan ogohlantirdi. Bu haqda “RBK” xabar bermoqda.
O‘rta muddatli istiqboldagi jiddiy xavf shundan iboratki, Ukrainadagi harbiy harakatlar jahon iqtisodiyotining aniq ajralib turadigan texnologik standartlarga, xalqaro to‘lov tizimlariga, zaxira valyutalariga ega bo‘lgan geosiyosiy qismlarga bo‘linishiga yordam beradi, — deyiladi hisobotda.
Shu bilan birga, hozirgi vaqtda XVF iqtisodiyotning qayta tiklanishi yoki savdoni deglobalizatsiya qilishning muhim belgilarini ko‘rmayapti.
Agar geosiyosiy bo‘linish tendensiyasi kuchaysa, bu ko‘p tomonlama hamkorlik, jumladan, iqlim o‘zgarishiga qarshi kurash sohasidagi samaradorlikni pasaytirishi mumkin.
Kelgusida bunday tarqoqlik hozirgi oziq-ovqat inqirozining odatiy holga aylanishiga ham olib kelishi mumkin, — deya ogohlantiradi XVF.
Filadelfiyadagi Tashqi siyosatni o‘rganish instituti ilmiy xodimi Maksimilian Xessga ko‘ra, jahon iqtisodiyotining geosiyosiy qismlarga bo‘linish xavfi bo‘rttirilgan.
Avvalroq XVF inflyatsiya sabab jahon global o‘sish prognozini uchinchi marta pasaytirgani haqida xabar berilgandi.
Izoh (0)