АҚШ яқин ҳафталарда баҳорги буғдой ҳосилини етказиб беришга тайёр. Бу Украинадаги нотинчлик туфайли юзага келган глобал очарчиликни бартараф этишга ёрдам беради. Бу ҳақда Bloomberg хабар бермоқда.
Ҳисоб-китобларга кўра, АҚШнинг энг кўп ҳосил берувчи штати бўлган Шимолий Дакотада ғалланинг акрига 49,1 бушелдан рекорд даражада юқори ҳосил олиниши кутилмоқда.
Украинадаги уруш глобал буғдой экспортининг тўртдан бир қисмини хавф остига қўйишда давом этаётгани сабабли, дунё дон силосларини тўлдиришда ёрдам бериш учун Америка фермер хўжаликлари экспортига ишонмоқда.
Баҳорги буғдой фьючерслари май ойида эришилган сўнгги ўн йилликдаги энг юқори кўрсаткичдан 33 фоизга пасайди.
Аммо буғдой ҳали ҳам йиғиб олинмагани сабаб нархларнинг яна кўтарилишига олиб келиши ва озиқ-овқат инфляцияси босимини жонлантириши мумкин.
Аввалроқ Туркия Украина дон экспорти бир ҳафта ичида бошланишини эълон қилган эди.
Изоҳ (0)