Эрон ва Россия SWIFT’га ўхшаш банклараро тўлов тизимини яратиш устида ишламоқда. Бу ҳақда Эрон ташқи ишлар вазирининг иқтисодий дипломатия бўйича ўринбосари Меҳди Сафари маълум қилди.
Унинг сўзларига кўра, ҳар икки давлат ҳам шундай тизимнинг битта версиясини таклиф қилган.
«Энди биз амалда жуда яхши келишувга эришдик, унинг асосида икки давлат ўртасида валюта операцияларини амалга оширишимиз мумкин эди», — деди жаноб Сафари «РИА Новости» агентлигига.
У қилинган таклифларнинг тафсилотларини келтирмади.
12 март куни SWIFT Россиянинг Украинадаги ҳарбий амалиётига жавобан ЕИ санкциялари остида қолган Россия банкларига хизмат кўрсатишни тўхтатган эди.
Россия Ҳиндистонга SWIFT аналогидан фойдаланишни таклиф қилди ва бу ташаббус Эрон билан ҳам муҳокама қилинди.
Мутахассисларнинг фикрига кўра, Россия SWIFT ўрнини босади, фақат ички операцияларни амалга оширади.
Изоҳ (0)