Тошкент вилояти Олмалиқ шаҳри деҳқон бозорининг ходими ва сотувчи ўртасида жанжал келиб чиққани ҳақида хабар берилганди. Вилоят ички ишлар бош бошқармаси матбуот котибининг маълум қилишича, паттачи 15 суткага қамалди.
Таъкидланишича, Олмалиқ деҳқон бозори ходими ва сотувчи ўртасидаги низоли ҳолат юзасидан суд бўлиб ўтди. Суд қарорига кўра, фуқаро Қ.Икрамов (деҳқон бозор ходими) Маъмурий жавобгарлик тўғрисидаги кодекснинг 183-моддаси (майда безорилик) билан айбли деб топилиб, 15 сутка маъмурий қамоқ жазоси тайинланди.
Шунингдек, фуқаро Ш.Ирсметова (сотувчи) Маъмурий жавобгарлик тўғрисидаги кодекснинг 21-моддаси (ҳуқуқбузарликнинг кам аҳамиятлилиги сабабли маъмурий жавобгарликдан озод қилиш)га асосан маъмурий жавобгарликдан озод қилиниб, огоҳлантирилди.
Маълумот учун, воқеа Олмалиқ шаҳри «Ойдин» деҳқон бозори ҳудудида содир бўлган. Бозор масъул ходими ва сотувчи аёл бозор патта тўлови устида ўзаро келишмай қолиб, оғзаки тортишув жанжалга айланган. Жараёнда улар бир-бирини уятли сўзлар билан сўкиб, жамиятда юриш-туриш қоидаларини қасддан менсимаган.
Изоҳ (0)