«Новий очаг» нашри тарвуз танлашда нималарга эътибор бериш кераклиги ҳамда танлов нотўғри бўлганда, ундан нималар тайёрлаш мумкинлиги ҳақида фойдали маълумот ва рецептлар билан бўлишди.
Тарвузни қандай танлаш керак?
Тарвуз мавсуми аллақачон бошланди ва бу полиз экинини танлашнинг асосий қоидаларини билиш жуда муҳим. Қуйидаги маслаҳатлар сотувчининг ёрдамисиз тарвуз танлашга ёрдам беради.
- Тахминан 5-7 килограмм бўлган ўрта катталикдаги мевани танланг.
- Устки қисмида доғ, ёриқ ва қоплама бўлмаслиги керак.
- Тарвуз пўстидаги ранглар қарама-қаршилиги қанчалик ёрқин бўлса, тарвуз шунчалик мазали чиқади.
- Маҳсулотнинг думи сарғиш ва озгина қуриган бўлиши керак. Қуриган дум узоқ вақт сақлашнинг белгисидир.
- Тарвузни чертиб кўрганда, баланд овоз чиқариши керак. Пишмаган тарвуз ҳеч қандай товуш чиқармайди.
Тарвузли салат иссиқ кунда айни муддао. Қизиғи шундаки, уни унчалик ширин бўлмаган тарвуздан ҳам тайёрлаш мумкин. Бу салат таъмига таъсир қилмайди.
Керакли маҳсулотлар:
- булғори қалампир — 1 дона;
- лимон (шарбат) —1 ош қошиқ;
- салат аралашмаси — 1 стакан;
- тарвуз — 12 дона;
- бринза — 200 грамм;
- бальзамик соуси — 2 ош қошиқ;
- зайтун мойи — 2 ош қошиқ.
- Салат барглари қўл билан узиб чиқилади. Булғорининг ярми кесиб олинади, уруғлари олиниб, сомонча шаклда тўғралади.
- Бир идишда салат барги ва булғори аралаштирилади. Лимон шарбати, зайтун мойи ва бальзамик сирка қўшилади.
- Кичкина тарвузнинг қопқоқ қисми кесиб олинади. Сўнгра ундан думалоқ шакллар ҳосил қилинади. Унга мос равишда бринза ҳам кесилади.
- Махсус идишга тарвуз ва пишлоқ қатламлаб қўйилади, устига салат солиб, дастурхонга тортилади.
Тарвуз ва фета пишлоғидан тайёрланадиган газпачо рецепти
Тетиклантирувчи тарвуздан салқин шўрва тайёрланг ва у севимли таомингизга айланиши шубҳасиз.
Керакли маҳсулотлар:
- тарвуз (уруғсиз) — 1 килограмм;
- бальзамик сирка — 2 ош қошиқ;
- саримсоқ — 1 дона;
- помидор — 5 дона;
- бодринг — 1/2 дона;
- оқ нон — 100 грамм;
- ялпиз — 1 дона;
- Кичкина идишда тўғралган саримсоқ ва сирка бирлаштирилади, 5 дақиқага қолдирилади.
- Безатиш учун бир неча бўлак тарвуз олиб қўйилади ва унинг қолган қисми майдаланган помидор, бодринг, нон, саримсоқ ва ялпиз билан бирга блендерга жойлаштирилади.
- Аралашма силлиқ бўлгунча кўпиртирилади. Агар керак бўлса, музлаткичга қўйилади.
- Шўрва идишларга сузилгач, устига майдаланган фета, тарвуз бўлаклари ва ялпиз солинади.
Тарвуз ва райҳонли лимонад
Керакли маҳсулотлар:
- тарвуз — 1 дона;
- газланган сув — 1 литр;
- шакар — 150 грамм;
- райҳон — 4 дона;
- лайм (шарбат) — 2 дона;
- таъбга кўра муз.
- Тарвузнинг мева қисми тўртбурчак шаклда кесиб олинади, иложи бўлса, уруғларни олиб ташланади.
- Тарвуз бўлаклари блендер идишига солинади, бир неча ош қошиқ шакар (ёки шакар сиропи), лайм шарбати қўшиб, майдаланади, графинга қуйилади.
- Устидан газланган сув қўшиб, райҳон барглари ва озгина тарвуз солинади.
- Стаканларга қуйилиб, дастурхонга тортилади.
Изоҳ (0)