Қуёш энергияси ускуналари ишлаб чиқарувчилари бу ҳафта ҳам нархларни кўтаришда давом этмоқда. Бу ҳақда Bloomberg хабар бермоқда.
Бунга сабаб эса кўтарилган полисиликон нархи таъминот занжири бўйлаб тарқалгани ва тоза энергияга ўтиш секинлашуви ҳақидаги хавотирни кучайгани бўлди.
Tongwei қуёш батареялари нархини уларнинг ўлчамига қараб 3,2 фоиздан 4,1 фоизгача оширди, Longi Green Energy Technology эса гофрет нархини 3,3 фоиздан 4,3 фоизгача кўтарди.
Ўсишлар ҳар иккала маҳсулотнинг асосий материали бўлган полисиликон нархининг авариялар ва режалаштирилган техник хизмат кўрсатиш туфайли завод ёпилиши фонида 15 фоизга ошганидан кейин содир бўлди.
Лонги каби гофрет ишлаб чиқарувчиларнинг маҳсулот нархини кўтариши ҳам кучли талабни англатади, — деди Daiwa Capital Markets таҳлилчиси Деннис Ип.
Бу йил Хитойнинг қуёш энергияси экспорти айниқса Европага қаратилди, чунки у ердаги давлатлар Украинадаги уруш ортидан Россия энергиясидан тезроқ воз кечиш учун энергия алмашинувини тезлаштиришга ҳаракат қилмоқда.
Май ойида жами экспорт 4,3 миллиард долларни ташкил этди, бу ўтган йилга нисбатан деярли икки баравар кўп.
Аввалроқ дунё 2025 йилгача қуёш панелларини ишлаб чиқаришда бутунлай Хитойга таяниши ҳақида хабар берилганди.
Изоҳ (0)