Самарқанд шаҳрида Бутунжаҳон жамиятининг «Ўзбекистон маданий мероси — янги Ренессанс пойдевори» VI Халқаро конгресси бўлиб ўтди.
Мазкур тадбир Ўзбекистон маданий меросини ўрганиш, асраш ва оммалаштириш бўйича Бутунжаҳон жамияти томонидан Ўзбекистон Туризм ва маданий мерос вазирлиги ҳамда 10 дан ортиқ халқаро ва 5 та миллий ташкилотлар кўмагида ташкил этилди.
Тадбир доирасида «Ўзбекистон маданий мероси жаҳон тўпламларида» туркумидаги 10 та янги китоб-альбомлар тақдимоти ўтказилди. Янги китоб-альбомлардан 25 дан ортиқ давлатдан 350 та олимлар, дунёга машҳур 100 та кутубхона ва музейлар ҳақидаги маълумотлар жой олган.
Бундан ташқари, конгрессда Франция Миллий кутубхонасида сақланаётган «Орол ва Аму қирғоқларида» номли қадимий қўлёзманинг ноёб нашри ҳамда Ўзбекистон санъатига оид иккита дурдона асар – "Қорақалпоқ санъати" ва "Безак: эстетика, сеҳр, маъно" китоблари тақдимоти ўтказилди.
Шунингдек, Европанинг етакчи нашри «Муэллер & Schindler» буюртмаси билан буюк аждодимиз Мирзо Улуғбек атаб яратилган ноёб қўлёзма факсимили намойиши бўлиб ўтди.
Изоҳ (0)