Тошкент шаҳри Янгиҳаёт туманидаги ариққа 30 дан ортиқ ўлик мушукнинг жасади ва ўлган мушукларнинг шилиб олинган терилари ташлаб юборилгани айтилмоқда. Бу ҳақда Telegram’даги «Ekolog.uz» каналида маълумот берилди.
Канал кузатувчисининг хабар беришича, туманнинг «Хушнуд» маҳалла фуқаролар йиғини Висол кўчасидаги ариққа 30 дан ортиқ ўлик мушукнинг жасадлари ҳамда ўлган мушукларнинг шилиб олинган терилари ташлаб юборилган.
Ариқ назоратсиз қолиб кетгани боис исталган одам чиқиндисини ташлаб кетадиган бўлди. Маҳалла ва бошқа тегишли ташкилотларнинг ариқ чиқиндихона бўлиб бораётгани билан иши йўқ. Бугун ариқ олдидан ўтар эканман, у ердаги ҳолатни кўриб қўрқиб кетдим.Ариқнинг ҳозирги аҳволи санитария ва экология талабларига жавоб бермайди. Бизга номаълум бўлган шахслар томонидан 30 дан ортиқ мушукнинг жасадлари, шилиб олинган терилари ҳамда елим халталарга солинган ичак-човоқлари ташлаб кетилган», дея хабар берган кузатувчи.
Аввалроқ Андижонда ит ёш болалар олдида ваҳшийларча отиб кетилгани айтилганди. Шунингдек, Нукус яқинидаги полигонда 100 дан ортиқ ит-мушук жасади топилгани айтилган хабар юзасидан ўрганишлар якунлангани маълум қилинган.
Изоҳ (0)