Ўзбекистон май охиридан бери уч ҳафтада 1,7 минг тонна шафтоли ва нектарин экспорт қилди, бу 2021 йилнинг шу даврига нисбатан 3 баробар кўпдир. Бу ҳақда EastFruit хабар бермоқда.
Кейинги ҳафталарда ушбу маҳсулотлар экспорти шу даражада ўсишда давом этдики, жорий мавсум бошидан бошлаб дастлабки икки ойда — 2022 йил 21 майдан 20 июлгача — Ўзбекистондан шафтоли ва нектарин экспорти ҳажми ж 2018—2021 йилларнинг шу даврига нисбатан рекорд даражада қолмоқда.
Расмий статистик маълумотларга кўра, 2022 йилнинг 21 майидан 20 июлига қадар Ўзбекистон жами 39,4 миллион долларлик 40,6 минг тонна шафтоли ва нектарини экспорт қилган.
Бу 2018, 2019 ва 2021 йилларнинг шу даврига нисбатан жисмоний жиҳатдан ҳам, экспорт тушумлари бўйича ҳам камида 1,5 баробар кўп кўрсаткичдир.
Агар 2020 йилнинг рекорд кўрсаткичлари билан солиштирадиган бўлсак, 2022 йилги мавсумнинг дастлабки икки ойида ушбу маҳсулот экспорти ҳажми 8,3 фоизга кам, бироқ, экспорт тушумлари бўйича 15,5 фоизга кўп бўлди.
Яъни, жорий йилги экспорт мавсумининг дастлабки икки ойида Ўзбекистон қиймати жиҳатидан рекорд миқдорда – қарийб 40 миллион долларлик шафтоли ва нектарин экспорт қилди.
Қайд этиш жоизки, 2018—2021 йилларда Ўзбекистондан шафтоли ва нектарин экспорти мавсуми май ойининг учинчи ўн кунлиги бошидан эрта бошланмаган, шу боис, ўтган тўрт йилликнинг худди шу даврлари билан таққослов ўринлидир.
2022 йилнинг 21 майидан 20 июлигача бўлган даврда Ўзбекистондан шафтоли ва нектарин экспортининг деярли бутун ҳажми ЕОИИ мамлакатлари бозорларига жўнатилди – жами экспортнинг 99 фоизи, Туркманистонга эса тахминан 1 фоизи (373 тонна) юборилган.
Сўнгги икки ҳафта ичида шафтоли ва нектариннинг ўртача улгуржи нархлари 10 000 – 11 000 сўм/кг даражасида қолмоқда, бу 2021 йилнинг шу даврига нисбатан ўртача 14 фоизга пастдир.
Шафтоли ва нектарин мева сегментида Ўзбекистон экспорт даромадининг муҳим манбаи ҳисобланади.
Изоҳ (0)