Андижон шаҳрида 2022 йилнинг 6 ойида тиланчилик билан шуғулланиб юргани учун жами 478 нафар шахс ҳудудий ИИБларга олиб борилиб, келгусида қонуний чора кўриш учун профилактика инспекторларига топширилган. Бу ҳақда вилоят ИИБ ахборот хизмати хабар берди.
Маълум қилинишича, Андижон вилояти ички ишлар бошқармаси жамоат хавфсизлиги хизмати ЖЦБ патруль-пост хизмати батальони ходимлари бошқа соҳа хизмат ходимлари билан ҳамкорликда вилоят ҳудудида жамоат тартибини сақлаш, хавфсизликни таъминлаш, жиноятчиликни олдини олиш ва унга қарши курашиш мақсадида текширувлар ўтказган.
Хусусан, 2022 йилнинг ўтган 6 ойи давомида «Тиғ» профилактик тадбирлари доирасида ходимлар томонидан ёнида бемақсад тиғли предметлар олиб юрган шахслардан 654 та тиғли жисм олиниб, келгусида муҳокама қилиш учун Андижон шаҳар ИИОФМБга юборилган. Шунингдек, Андижон шаҳри ҳудудида тиланчилик билан шуғулланиб юргани учун жами 478 нафар шахс ҳудудий ИИБларга олиб борилиб, келгусида қонуний чора кўриш учун профилактика инспекторларига топширилган.
Бундан ташқари, Ички ишлар вазирлиги ҳамда Андижон вилояти ИИБнинг кўрсатмаларига асосан ўтган 6 ой давомида профилактик тадбир бўйича ходимлар томонидан Андижон шаҳрининг аҳоли гавжум масканларида, таълим муассасаларида, кўча ва жамоат жойларида жами 203 маротаба тарғибот-ташвиқот тадбири ўтказилган. Хизмат йўналишларида жойлашган савдо ва хизмат кўрсатиш дўконларида 7162 маротаба профилактик суҳбат олиб борилиб, 34 та савдо ва хизмат кўрсатиш объектига кузатув камералари ўрнатилган.
Изоҳ (0)