Олий Мажлис Қонунчилик палатасининг 26 июль куни ўтказилган навбатдаги мажлисида депутатлар электрон рақамли имзо калитлари олишни осонлаштириш, ундан фойдаланишни янада соддалаштириш, сарф-харажатларни камайтиришга қаратилган «Электрон рақамли имзо тўғрисида»ги қонун лойиҳасини иккинчи ўқишда атрофлича муҳокама қилди.
Депутатларнинг таъкидлашича, қонун лойиҳасининг қабул қилиниши билан жисмоний ва юридик шахсларга бир нечта ахборот тизимида ягона электрон рақамли имзо калити билан ишлаш имконияти яратилади. Электрон рақамли имзо калитлари сертификатларини қоғоз кўринишида бериш амалиёти тугатилади. Шунингдек, фойдаланувчиларга доимий равишда ўзи билан маълумот ташувчи қурилмаларни (флешка) олиб юришга ҳожат қолмайди. Бу эса, ўз навбатида, рўйхатга олиш марказлари учун сарф-харажатларни тежаш имконини беради.
Мажлисда қонун лойиҳаси депутатлар томонидан қабул қилинди.
Изоҳ (0)