Andijon shahrida 2022-yilning 6 oyida tilanchilik bilan shug‘ullanib yurgani uchun jami 478 nafar shaxs hududiy IIBlarga olib borilib, kelgusida qonuniy chora ko‘rish uchun profilaktika inspektorlariga topshirilgan. Bu haqda viloyat IIB axborot xizmati xabar berdi.
Ma’lum qilinishicha, Andijon viloyati ichki ishlar boshqarmasi jamoat xavfsizligi xizmati JTSB patrul-post xizmati batalyoni xodimlari boshqa soha xizmat xodimlari bilan hamkorlikda viloyat hududida jamoat tartibini saqlash, xavfsizlikni ta’minlash, jinoyatchilikni oldini olish va unga qarshi kurashish maqsadida tekshiruvlar o‘tkazgan.
Xususan, 2022-yilning o‘tgan 6 oyi davomida “Tig‘” profilaktik tadbirlari doirasida xodimlar tomonidan yonida bemaqsad tig‘li predmetlar olib yurgan shaxslardan 654 ta tig‘li jism olinib, kelgusida muhokama qilish uchun Andijon shahar IIOFMBga yuborilgan. Shuningdek, Andijon shahri hududida tilanchilik bilan shug‘ullanib yurgani uchun jami 478 nafar shaxs hududiy IIBlarga olib borilib, kelgusida qonuniy chora ko‘rish uchun profilaktika inspektorlariga topshirilgan.
Bundan tashqari, Ichki ishlar vazirligi hamda Andijon viloyati IIBning ko‘rsatmalariga asosan o‘tgan 6 oy davomida profilaktik tadbir bo‘yicha xodimlar tomonidan Andijon shahrining aholi gavjum maskanlarida, ta’lim muassasalarida, ko‘cha va jamoat joylarida jami 203 marotaba targ‘ibot-tashviqot tadbiri o‘tkazilgan. Xizmat yo‘nalishlarida joylashgan savdo va xizmat ko‘rsatish do‘konlarida 7162 marotaba profilaktik suhbat olib borilib, 34 ta savdo va xizmat ko‘rsatish obyektiga kuzatuv kameralari o‘rnatilgan.
Izoh (0)