Сирдарё туманида 62 ёшли фуқаро уйининг томорқасида кўкнори етиштиргани аниқланди. Бу ҳақда вилоят ички ишлар бошқармаси ахборот хизмати хабар берди.
Туман ИИБ ходимлари томонидан олиб борилган тезкор тадбирлар давомида 1960 йилда туғилган, Сирдарё туманида яшовчи М.Э.нинг яшаш уйи томорқаси кўздан кечирилган.
Унда томорқада жойлашган иссиқхонанинг орқа томонида ўтлар орасида 41 туп, бўйи тахминан 20-25 сантиметр узунликда бўлган кўкнори гиёҳвандлик ўсимликлари экиб, парваришлаб келаётгани аниқланиб, ўсимликлар далилий ашё сифатида олинган.
Ҳолат юзасидан Жиноят кодексининг 270-моддаси (тақиқланган экинларни етиштириш) билан жиноят иши қўзғатиш чоралари кўрилмоқда.
Изоҳ (0)