Украина халқаро легиони таркибида жанг қилган икки нафар АҚШ фуқароси, бир швед ва бир канадалик Донецк вилоятида Россия танкининг ҳужуми оқибатида ҳалок бўлди. Бу ҳақда Politico хабар бермоқда.
Қурбонларнинг қўмондони бўлган Руслан Мирошниченко нашрга маълум қилишича, жангчилар мудофаанинг махсус операция кучлари таркибида бўлган.
Мирошниченконинг сўзларига кўра, ҳалок бўлган хорижликларга Россия қўшинлари ўрнашган жарликни тозалаш вазифаси берилган — у ерда россияликлар дарёни кесиб ўтишни машқ қилаётган эди. Хорижликлар вазифани бажарган, лекин кейин рус танкларининг пистирмасига тушган.
Украина халқаро ҳудудий мудофаа легиони февраль ойида, Россия босқини бошланганидан кўп ўтмай тузилган эди. Киевда 50 дан ортиқ давлатдан 20 мингга яқин кўнгилли легионга рўйхатдан ўтгани маълум қилинган.
Изоҳ (0)