Қозоғистоннинг Air Astana авиакомпанияси парвозларни кечиктиргани учун жаримага тортилди. Бу ҳақда мамлакат Фуқаро авиацияси қўмитаси хабар берди. Жарима 16 июлга режалаштирилган Олмаота – Мале рейси узоқ муддатга кечиктирилгани муносабати билан қўлланган.
Суриштирув давомида йўловчилар парвозни 15 соатдан ортиқ кутиб қолгани аниқланган. Шу билан бирга, уларга қонун ҳужжатларида назарда тутилган хизматлар, яъни меҳмонхоналарга жойлаштириш хизматлари лозим даражада тақдим этилмаган. Мазкур ҳолат юзасидан авиакомпания 3 миллион тенгедан ортиқ ёки 6,3 минг доллар миқдорида маъмурий жаримага тортилди.
Йўловчилар фақат биргина рейсда кузатилган муаммодан шикоят қилмаган. Қозоғистон Фуқаро авиацияси қўмитасига 150 га яқин мурожаат келиб тушган бўлиб, айни пайтда уларнинг ҳар бири ўрганиб чиқилаётгани, қонунбузарлик тасдиқланса, тегишли процессуал чоралар кўрилиши билдирилган.
Изоҳ (0)