Кучли эркакнинг орқасида кучли аёл туради, дейишади. Аммо ҳаётий мисоллар бу фикр, аксинча тескари бўлиши ҳам мумкинлигини исботлайди. Сиёсат оламидаги таниқли аёллар ва уларнинг карьерасида эрларининг роли ҳақида қуйида танишинг.
Ангела Меркель ва Иоахим Зауэр
Ангела Меркель Германия канцлери (2005-2021) лавозимини эгаллаган биринчи аёл бўлиб, у 11 йил давомида ҳеч кимга биринчиликни бермай Forbes’нинг дунёнинг энг нуфузли аёллари рўйхатида етакчилик қилган. Бундан ташқари, 2012 йилда у дунёдаги энг нуфузли одамлар орасида иккинчи ўринни эгаллади (ва у аҳолининг ярми аёллар орасида бундай натижага биринчи бўлиб эришган). Ангела Меркель икки марта турмуш қурган: биринчи марта талабалигида оила қуриб, бу никоҳ атиги 5 йил давом этади (1977-1982), иккинчиси 1998 йилдан ҳозирги кунгача Иоаҳим Зауэр билан биргаликдаги турмуши ҳисобланади.
Иоахим Зауэр — квант кимёгари, тадқиқотчи, Берлин университети профессори, Меркель у билан ГДР Фанлар академиясида танишган. Турмуш ўртоғи сиёсий соҳада қандай шарафли ва муҳим ўринда бўлса, Зауэр ҳам илм-фан оламида шунчалик муҳим ўрин тутади. Улар ҳеч қачон муносабатларини оммага намойиш қилмайди, биргаликда расмий ташрифларга боришмайди ва байрамларда қатнашмайди — ҳатто Ангела Меркелнинг инаугурациясида ҳам эри иштирок этмаган. Рафиқасининг сиёсий карьераси тугаши билан эр-хотин Иоахим орзу қилган жойда биргаликда кўпроқ вақт ўтказишни бошлади.
Мавзуга доир: Тўртинчи қаватдаги квартира ва творог учун навбат: 66 ёшли Германия канцлери Ангела Меркель қандай яшайди?
Сиёсат оламидаги яна бир мутлақ рекордчи — Камала Харрис. У Қўшма Штатларнинг биринчи аёл вице-президенти бўлди (2021) ва Forbes’нинг энг кучли аёллар рўйхатида иккинчи ўринни эгаллади. Унинг турмуш ўртоғи Дуглас Эмхофф — юрист, адвокат. У 2014 йилда Камала билан турмуш қурган, Дуглас илгари ҳам оила қурган ва аввалги никоҳидан икки нафар фарзанди бор. Бундан ташқари, Камала Харрис Эмхоффнинг собиқ хотини билан ҳозиргача дўстона муносабатда.
Фаолият турига келсак, Дуглас Эмхофф ҳам йирик халқаро корпорациялар, ҳам жисмоний шахслар манфаатларини ҳимоя қилади. Кўпчилик уни сиёсатчининг идеал турмуш ўртоғи деб атайди: у хотинига вақт бағишлаган ҳолда ўз касбини ҳам унутмайди. Эркак рафиқасига нисбатан ўзининг қўллаб-қувватлаши ва илиқ муносабатини яширмайди, аксинча, буни ҳар томонлама таъкидлайди ва ижтимоий тармоқларида аёлининг сиёсий амбицияларига эътибор қаратади.
Мавзуга доир: Адвокатликдан вице-президентликка қадар. АҚШ тарихидаги биринчи аёл ва қора танли вице-президент Камала Харрис ҳақида
Колинда Грабар-Китарович Хорватиянинг биринчи аёл президенти (2015-2020) ва мамлакат тарихидаги гўзаллиги ва ҳаёцеварлиги билан ажралиб турадиган энг ёш президент номи билан жаҳон сиёсати тарихига кирди. Тез ривожланаётган карьерасига қўшимча равишда, аёл кундалик ишларда ақллилиги билан ҳам ҳаммани ҳайратда қолдирган – ҳатта у бир марта бу ҳақда шундай деб ҳазиллашган ҳам: «Мен НАТОда сигир соғишни биладиган ягона сиёсатчиман». Грабар-Киторович, шунингдек, ҳашаматли ҳаётни хоҳламаслиги билан ҳам машҳур, гарчи у бунга қодир бўлса-да.
Эри Яков Китарович билан тез-тез оммага кўриниш беради. Уларнинг турмуш қурганига 26 йил бўлди, шу вақт ичида эр-хотин икки фарзандли бўлишди. Жуфтликнинг ҳеч бири хотини сиёсат билан фаол шуғулланиши учун эри болалар тарбиясига кўпроқ эътибор қаратгани, уй ишларини ҳам қилганини яширмайди. Шу сабабли ҳам Яков илм-фан соҳасидаги ўқиши ва карьерасини кечиктиришга мажбур бўлди, аммо Грабар-Китаровичнинг сўзларига кўра, эри учун ҳаётдаги энг муҳим нарса ҳар доим оила бўлган.
Тереза Мей ва Филипп Жон МейБританиялик сиёсатчи Тереза Мей 1997 йилдан бери Жамоатчилик палатасининг аъзоси. Фаолияти давомида у Буюк Британия бош вазири, Консерватлар партияси етакчиси ва ички ишлар вазири лавозимларида ишлаган. Шунингдек, Борис Жонсон бош вазирликдан кетганидан кейин айнан Тереза Мейга ўз вазифаларини вақтинча бажариш таклиф қилиниши мумкин. Бунинг ажабланарли жойи йўқ, унинг узоқ йиллик тажрибаси, шунингдек, бизнес юритишдаги вазминлик ва қатъийлик каби фазилатлари бу борада асқатади.
2020 йилда сиёсатчи эри билан турмуш қурганининг 30 йиллигини нишонлади. Тереза Мей ва Филипп Жон Мей талабалар консерватив ассоциациясининг дискотекасида танишган ва крикет улар учун яна бир умумий машғулотга айланади. Тереза Мейга қийин пайтларда — Brexit, ички сиёсий қўзғолон ва, албатта, маълум сабабларга кўра тўлиқ барқарор бўлмаган ҳиссий ҳолатдан омон қолишга унинг эри — инглиз банкири ёрдам берган. Тереза Мейнинг сўзларига кўра, турмуш ўртоғи унинг учун қоя бўлиб, бу биринчи навбатда, сиёсий арбоб сифатида эмас, балки аёл сифатида унга суяниши мумкинлигини билдиради.
Изоҳ (0)