2 йил аввал санъатни тарк этганини айтган «Уммон»чи Шоҳрух янги йўналиш билан қўшиқчиликка қайтганини маълум қилди (видео)

Шоу-бизнесни тарк этганини айтган «Уммон» гуруҳининг собиқ аъзоси, тадбиркор Шоҳрух Исамуҳаммедов «Shok.uz» YouTube каналига берган интервьюсида янги йўналиш билан қўшиқчиликка қайтганини маълум қилди.

«Яхши кўрган ишим санъат, шунинг учун унга бошқача йўналишда қайтганман. Икки йилга яқин яккахон хонанда бўлиб ижод қилдим, кейин санъатни тарк этдим. Ҳозир эса аввалги йўналишда эмас, бошқача йўналишда ижод қиляпман. Одамларга ибрат бўладиган, эшитганда яхши ғояни оладиган тароналарни яратишни режа қилганман. Лекин ҳозирги кунда янги бизнес билан шуғулланяпман», — дейди хонанда.

«Уммон» гуруҳи тарқалганидан кейин яккахон хонанда бўлиб ижод қилаётган Шоҳрух санъатни тарк этгани ҳақида айтган эди.

«Аллоҳ йўлида санъатни тарк этдим. Қилган гуноҳларимизни, ёмон ишларимизни кечирсин. Бу соҳага кирмоқчи, шуғулланмоқчи, ҳавас қилган ва машҳур бўлишни ўйлаган инсонларга шуни таъкидлаб ўтмоқчиман, бу яхши йўл эмас, ҳаловатингиз йўқолади. Мен 12 йил шу йўлдан юрдим», — деган эди Шоҳрух.

Мавзуга доир: Шоу-бизнесни тарк этган «Уммон»чи Шоҳрух шоу-бизнесдан кетганлар ва Жаҳонгир Отажонов ҳақида гапираётганларга муносабат билдирди (видео)