Rafiqalarining soyasida: eng nufuzli siyosatchi ayollarning erlari qanday ko‘rinishga ega va ular nima bilan shug‘ullanadi?

Kuchli erkakning orqasida kuchli ayol turadi, deyishadi. Ammo hayotiy misollar bu fikr, aksincha teskari bo‘lishi ham mumkinligini isbotlaydi. Siyosat olamidagi taniqli ayollar va ularning karyerasida erlarining roli haqida quyida tanishing.

Angela Merkel va Ioaxim Zauer

Angela Merkel Germaniya kansleri (2005-2021) lavozimini egallagan birinchi ayol bo‘lib, u 11 yil davomida hech kimga birinchilikni bermay Forbes’ning dunyoning eng nufuzli ayollari ro‘yxatida yetakchilik qilgan. Bundan tashqari, 2012-yilda u dunyodagi eng nufuzli odamlar orasida ikkinchi o‘rinni egalladi (va u aholining yarmi ayollar orasida bunday natijaga birinchi bo‘lib erishgan). Angela Merkel ikki marta turmush qurgan: birinchi marta talabaligida oila qurib, bu nikoh atigi 5 yil davom etadi (1977-1982), ikkinchisi 1998-yildan hozirgi kungacha Ioahim Zauer bilan birgalikdagi turmushi hisoblanadi.

Ioaxim Zauer — kvant kimyogari, tadqiqotchi, Berlin universiteti professori, Merkel u bilan GDR Fanlar akademiyasida tanishgan. Turmush o‘rtog‘i siyosiy sohada qanday sharafli va muhim o‘rinda bo‘lsa, Zauer ham ilm-fan olamida shunchalik muhim o‘rin tutadi. Ular hech qachon munosabatlarini ommaga namoyish qilmaydi, birgalikda rasmiy tashriflarga borishmaydi va bayramlarda qatnashmaydi — hatto Angela Merkelning inauguratsiyasida ham eri ishtirok etmagan. Rafiqasining siyosiy karyerasi tugashi bilan er-xotin Ioaxim orzu qilgan joyda birgalikda ko‘proq vaqt o‘tkazishni boshladi.

Siyosat olamidagi yana bir mutlaq rekordchi — Kamala Xarris. U Qo‘shma Shtatlarning birinchi ayol vitse-prezidenti bo‘ldi (2021) va Forbes’ning eng kuchli ayollar ro‘yxatida ikkinchi o‘rinni egalladi. Uning turmush o‘rtog‘i Duglas Emxoff — yurist, advokat. U 2014-yilda Kamala bilan turmush qurgan, Duglas ilgari ham oila qurgan va avvalgi nikohidan ikki nafar farzandi bor. Bundan tashqari, Kamala Xarris Emxoffning sobiq xotini bilan hozirgacha do‘stona munosabatda.

Faoliyat turiga kelsak, Duglas Emxoff ham yirik xalqaro korporatsiyalar, ham jismoniy shaxslar manfaatlarini himoya qiladi. Ko‘pchilik uni siyosatchining ideal turmush o‘rtog‘i deb ataydi: u xotiniga vaqt bag‘ishlagan holda o‘z kasbini ham unutmaydi. Erkak rafiqasiga nisbatan o‘zining qo‘llab-quvvatlashi va iliq munosabatini yashirmaydi, aksincha, buni har tomonlama ta’kidlaydi va ijtimoiy tarmoqlarida ayolining siyosiy ambitsiyalariga e’tibor qaratadi.

Kolinda Grabar-Kitarovich Xorvatiyaning birinchi ayol prezidenti (2015-2020) va mamlakat tarixidagi go‘zalligi va hayotsevarligi bilan ajralib turadigan eng yosh prezident nomi bilan jahon siyosati tarixiga kirdi. Tez rivojlanayotgan karyerasiga qo‘shimcha ravishda, ayol kundalik ishlarda aqlliligi bilan ham hammani hayratda qoldirgan – hatta u bir marta bu haqda shunday deb hazillashgan ham: “Men NATOda sigir sog‘ishni biladigan yagona siyosatchiman”. Grabar-Kitorovich, shuningdek, hashamatli hayotni xohlamasligi bilan ham mashhur, garchi u bunga qodir bo‘lsa-da.

Eri Yakov Kitarovich bilan tez-tez ommaga ko‘rinish beradi. Ularning turmush qurganiga 26 yil bo‘ldi, shu vaqt ichida er-xotin ikki farzandli bo‘lishdi. Juftlikning hech biri xotini siyosat bilan faol shug‘ullanishi uchun eri bolalar tarbiyasiga ko‘proq e’tibor qaratgani, uy ishlarini ham qilganini yashirmaydi. Shu sababli ham Yakov ilm-fan sohasidagi o‘qishi va karyerasini kechiktirishga majbur bo‘ldi, ammo Grabar-Kitarovichning so‘zlariga ko‘ra, eri uchun hayotdagi eng muhim narsa har doim oila bo‘lgan.

Britaniyalik siyosatchi Tereza Mey 1997-yildan beri Jamoatchilik palatasining a’zosi. Faoliyati davomida u Buyuk Britaniya bosh vaziri, Konservatlar partiyasi yetakchisi va ichki ishlar vaziri lavozimlarida ishlagan. Shuningdek, Boris Jonson bosh vazirlikdan ketganidan keyin aynan Tereza Meyga o‘z vazifalarini vaqtincha bajarish taklif qilinishi mumkin. Buning ajablanarli joyi yo‘q, uning uzoq yillik tajribasi, shuningdek, biznes yuritishdagi vazminlik va qat’iylik kabi fazilatlari bu borada asqatadi.

2020-yilda siyosatchi eri bilan turmush qurganining 30 yilligini nishonladi. Tereza Mey va Filipp Jon Mey talabalar konservativ assotsiatsiyasining diskotekasida tanishgan va kriket ular uchun yana bir umumiy mashg‘ulotga aylanadi. Tereza Meyga qiyin paytlarda — Brexit, ichki siyosiy qo‘zg‘olon va, albatta, ma’lum sabablarga ko‘ra to‘liq barqaror bo‘lmagan hissiy holatdan omon qolishga uning eri — ingliz bankiri yordam bergan. Tereza Meyning so‘zlariga ko‘ra, turmush o‘rtog‘i uning uchun qoya bo‘lib, bu birinchi navbatda, siyosiy arbob sifatida emas, balki ayol sifatida unga suyanishi mumkinligini bildiradi.