Британиялик актриса, «Тахтлар ўйини» сериалининг юлдузи Эмилия Кларк узоқ вақтдан кейин бундан ўн йил аввал, яъни 2011-2013 йилларда бошдан кечирган мия аневризмаси билан боғлиқ иккита операция тафсилотларини эълон қилди. Кларк бу касалликдан омон қолишни омад билан боғлади.
«Бу чидаб бўлмас оғриқ эди. «Тахтлар ўйини» сериалида иштирок этиш мен учун жуда аҳамиятли эди, бу эса менга ирода берди. Миямнинг катта қисми ишламаяпти, шунга қарамай гапира олишимдан ва ҳатто артикуляр тарзда ҳаётимни мутлақо нормал, касалликнинг оқибатларисиз яшаётганимдан ҳайратланаман. Мен ҳақиқатан бу касалликдан омон қолган жуда кам инсонларнинг бириман» , — дейди Кларк BBC телеканалидаги суҳбатда.
Актриса биринчи марта 2019 йилда бу касаллик туфайли бошдан кечирган иккита мия операцияси ҳақида гапирди. Ҳозирда у Лондонда суратга олинаётган Антон Чеховнинг «Чайкалар» спектаклида бош ролни ижро этмоқда. Эмилия 2023 йил Disney+'нинг «Яширин босқин» сериалида суратга тушади.
Кларкнинг соғлиғи билан боғлиқ муаммолари 2011-2013 йилларда Жорж Мартиннинг асарлари асосида спектакль суратга олинаётган пайтда бошланган. Кейинроқ актриса иккита мураккаб мия операциясини бошдан кечиргани маълум бўлган эди.
Унинг сўзларига кўра, миянинг аневризмалардан таъсирланган қисми энди умуман ишламайди. Организмдаги қон эса барча зарарланган қисмларни четлаб ўтади.
Мавзуга доир:
Изоҳ (0)