Variety нашри Голливуднинг энг кўп ҳақ тўланадиган актёр ва актрисалари рўйхатини эълон қилди. Рўйхатнинг энг юқори поғонасини «Топ Ган: Меверик» фильмидаги роли учун 100 миллион доллар олган Том Круз эгаллади.
«Меверик» фильмидаги роли учун Том Круз 12-14 миллион доллар талаб қилган, бироқ унинг шартномасида гонорар учун бонуслар ҳам кўрсатилган эди. Ҳозирга қадар «Топ Ган» фильмининг давоми бутун дунё бўйлаб 1,2 миллиард доллар фойда келтирди ва шу сабабли кинофильм намойиш этилганидан сўнг Том Крузнинг шартномасидаги маблағ ҳам кескин ошди.
Рўйхатда Уилл Смит («Қутқарув» фильмидаги роли учун 35 миллион доллар), Леонардо Ди Каприо ва Бред Питт (иккаласи ҳам «Гулли ой қотиллари» ва номсиз Ф1 пойга фильми учун 30 миллион доллар), Хоакин Феникс («Жокер-2» кинокартинаси учун 20 миллион доллар) ва бошқа машҳур актёрлар ҳам бор.
Маргот Робби
Актрисалар орасида энг юқори ҳақ Маргот Роббига тўланган. У «Барби» фильмидаги роли учун 12,5 миллион доллар олган. Шунингдек, рўйхатга Милли Бобби Браун («Энола Холмс-2» фильмидаги образи), Жейми Ли Кертис («Хеллоуин тугайди» кинокартинасидаги роли) ва Аня Тэйлор-Жой («Фьюриоса» кинофильмидаги ижроси) киритилган.
Таъкидлашича, дунёдаги оғир иқтисодий вазият туфайли актриса ва актёрлар студиялари ва стриминг хизматлари катта даромад келтирадиган режиссёрлар билан ҳамкорлик қилган.
Мавзуга доир:
Изоҳ (0)