Украина Қора денгиздаги портларидан бир неча миналарни олиб ташлашга рози бўлди. Бу ҳақда The New York Times (NYT) манбаларига таяниб хабар бермоқда. 

Киев Украина ғалласини экспорт қилиш бўйича келишув доирасида бу қадамни қўйишга тайёр. Келишувни тузиш имконияти бугун, 22 июль куни Туркияда муҳокама қилинади.

NYT исм-шарифи ошкор этилмаган уч амалдорга таяниб бу маълумотларни тақдим қилган. Уларга кўра, ғалла экспорти бўйича келишувни ишлаб чиқишда иштирок этаётган БМТ Бош котиби Антониу Гутерриш Украинанинг портларни миналардан қисман тозалашга розилиги ҳақида гапирган. 

Келишув доирасида Украина флоти ёки қирғоқ қўриқлаш хизмати донли кемаларнинг халқаро сувларга ўтишини таъминлаши кутилмоқда. 

Туркия қурол-аслаҳа кемаларда ташиладими ёки йўқлигини текшириши керак. NYT маълумотларига кўра, Украинада 20 миллион тоннадан ортиқ дон тўсиб қўйилган.

13 июль куни Украина ғалласини ташиш масаласи бўйича йиғилиш бўлиб ўтди, унда Туркия, Россия, Украина мудофаа вазирликлари, шунингдек, БМТ делегациялари иштирок этди. 

Киев экспорт Одесса, Южний ва Черноморск портлари орқали амалга оширилишини айтди. 

Украина Ташқи ишлар вазирлиги мамлакат хавфсизлик кафолатлари мавжуд бўлган тақдирдагина дон бўйича келишувни қўллаб-қувватлашга тайёрлигини таъкидлади.