Япония июнь ойида Россиядан нефть импорт қилмади, бироқ айни пайтда газ етказиб бериш ҳажмини оширди. Бу ҳақда Япония Молия вазирлиги статистик маълумотларидан маълум бўлди.
Суюлтирилган газ импорти ўтган йилнинг шу даврига нисбатан 26,4 фоизга ошиб, 617 минг тоннани ташкил этди. Япония бунинг учун 55,3 млрд иен (жорий курс бўйича 398,8 млн доллар) тўлади.
Россия кўмирини мамлакатга етказиб бериш ҳажми 59,5 фоизга тушиб, 765 минг тоннани ташкил этди.
Россиядан Японияга импортнинг умумий ҳажми июнь ойида 22,9 фоизга ошиб, 153,9 млрд иенни (1,1 млрд доллар) ташкил этди, Япониядан Россияга экспорти эса 49,9 фоизга қисқариб, 39,8 млрд иенни (287 млн доллар) ташкил этди.
Июнь ойи бошида Европа Иттифоқи Россия нефтига қисман эмбаргони ўз ичига олган олтинчи санкциялар пакетини киритди — тақиқ денгиз таъминотига тааллуқлидир.
Май ойида Япония ушбу эмбаргога қўшилмаслигини эълон қилди, чунки мамлакат ресурслари чекланган.
Бош вазир Фумио Кишида тушунтирдики, Токио аста-секин Россия нефтини импорт қилишни тўхтатади, лекин Сахалин-1 ва Сахалин-2 нефть ва газ лойиҳаларидаги улушини сақлаб қолади.
Аввалроқ Япония ўз тарихидаги энг қиммат газни сотиб олгани ҳақида хабар берилганди.
Изоҳ (0)