Ўзбекистонда иқтисодий ўсиш прогнозлари ўзгартирилди

Марказий банк 2022 йил учун Ўзбекистоннинг ривожланиш прогнозларини қайта кўриб чиқди.

Унга кўра, йил якуни бўйича ЯИМнинг ўсиши 5-5,5 фоиз атрофида бўлиши тахмин қилинмоқда. Апрель ойида бу 3,5-4,5 фоиз атрофида прогноз қилинган эди.

Ўзгаришнинг асосий сабаби — иқтисодиётда мавжуд захиралар ва ялпи талаблар.

Йил якуни бўйича инфляция даражаси 12 фоиз атрофида шаклланиши прогноз қилинмоқда. Таққослаш учун, аввал бу прогноз 14 фоиз атрофида эди.

Бунда юзага келаётган инфляцион жараёнлар, тартибга солинадиган нархлар оширилишининг кейинга қолдирилиши билан бир қаторда мавжуд ноаниқликлар ва хатарларни инобатга олинган. 

Аввалроқ Ўзбекистонда асосий ставка 15 фоизгача туширилгани ҳақида хабар берилган эди.