Қирғизистон ва Россия тўлиқ савдо ҳисоб-китобларини рублда амалга оширишга ўтди. Бу ҳақда Қирғизистон иқтисодиёт ва савдо вазири Дониёр Амангелдиевга таяниб, Интерфакс хабар берди.
Вазирнинг таъкидлашича, асосий турдаги товарлар учун тўловлар Россия рублида амалга оширилади.
Ҳисоб-китоблар долларда амалга оширилган ягона товарлар гуруҳи — ёқилғи-мойлаш материаллари эди. Санкциялар қўлланилиши ва SWIFT тизимининг ёпилиши муносабати билан тўловлар билан боғлиқ муаммолар юзага келди. Рубльдаги ҳисоб-китобларга ўтишга қарор қилинди, — деди Амангелдиев.
Вазирнинг қўшимча қилишича, ҳозир Россия Қирғизистон бозорига асосий ёқилғи-мойлаш материаллари етказиб берувчи ҳисобланади.
Охирги пайтларда Россия рублининг бошқа етакчи жаҳон валюталарига нисбатан курси мустаҳкамланиб бормоқда.
Унинг сўзларига кўра, бу омил Қирғизистонда бензин ва дизель ёқилғиси нархининг ошишига сабаб бўлган.
Шунингдек, Амангелдиев рублнинг мустаҳкамланиши ва Россиянинг рублда ҳисоб-китобларга ўтиши сабабли юзага келган муаммолар фонида компанияларга қўшимча ёрдам кўрсатилишини маълум қилган.
Унинг таъкидлашича, бозордаги вазиятни барқарорлаштириш учун Қирғизистон нефть трейдерларига ёқилғи-мойлаш материаллари сотиб олиш учун қўшимча кредит ажратиш режалаштирилмоқда.
Аввалроқ Россия ва Қирғизистон ҳаво ҳужумига қарши мудофаа бўйича бирлашган минтақавий тизим яратиши ҳақида хабар берилганди.
Изоҳ (0)