Bugun,

  • USD 11095.31
  • RUB 173.84
  • EUR 10772.44

Rossiya prezidenti Vladimir Putin mamlakat hukumatining Qirg‘iziston bilan ikkala davlat o‘rtasida havo hujumiga qarshi mudofaa bo‘yicha Birlashgan mintaqaviy tizim (BMT) yaratish haqidagi taklifini qo‘llab-quvvatladi, deb yozadi “Interfaks”. Tegishli prezident farmoni huquqiy axborot portalida e’lon qilindi.

Zenit-raketa tizimi

Zenit-raketa tizimi
Foto: “RIA Novosti”

Hujjatda Mudofaa vazirligiga Tashqi ishlar vazirligi ishtirokida Qirg‘iziston tomoni bilan muzokaralar o‘tkazish va ushbu bitimni Bishkek bilan imzolash vazifasi yuklatildi.

Avvalroq Rossiya hukumati Mudofaa vazirligi tomonidan taqdim etilgan, TIV va ijro etuvchi hokimiyatning boshqa manfaatdor federal organlari bilan kelishilgan hamda oldindan Qirg‘iziston bilan ishlab chiqilgan, ikki mamlakat o‘rtasida havo hujumiga qarshi mudofaa bo‘yicha Birlashgan mintaqaviy tizim yaratish to‘g‘risidagi bitim loyihasini ma’qullagan edi.

Bitim loyihasida aytilishicha, “mintaqada havo hujumiga qarshi mudofaani takomillashtirish maqsadlarida tomonlar” Rossiya va Qirg‘iziston o‘rtasida havo hujumiga qarshi mudofaa bo‘yicha Birlashgan mintaqaviy tizim yaratmoqda, u MDH mamlakatlari havo hujumiga qarshi mudofaa birlashgan tizimining tarkibiy qismi hisoblanadi.

Rossiya va Qirg‘iziston o‘rtasidagi havo hujumiga qarshi mudofaa bo‘yicha Birlashgan mintaqaviy tizim tarkibiga ajratiladigan qo‘shinlar ro‘yxati tomonlarning qo‘shma vakolatli organlari tomonidan tasdiqlanadi.

Rossiya tomonidan havo hujumiga qarshi mudofaa bo‘yicha Birlashgan mintaqaviy tizim tarkibiga ajratilgan qo‘shinlarni joylashtirish uchun kollektiv xavfsizlik hududida Qirg‘iziston Rossiyaga ushbu bitim amal qiladigan davrda bepul asosda 5 gektarlik yer maydonini taqdim etadi, deyiladi hujjatda.

Izoh
Asosiy yangiliklar
Mahalliy
Oʻzbekistonda yashil energetika davri boshlanganiga uch yil boʻldi. Nimalar oʻzgardi?
Mahalliy
Fotoreportaj: Prezident tashrifiga tayyorgarlik ko‘rayotgan Namangan
Sport
Lionel Messi Krishtianu Ronalduning rekordini yangiladi