Ўзбекистон 2022—2030 йилларда уран қазиб чиқаришни 2 баробарга — йилига 7,1 минг тоннагача оширишни режалаштирмоқда. Бу ҳақда «Lex.uz» маълумотлар базасида эълон қилинган ҳужжатдан маълум бўлди.
Ҳужжатга мувофиқ, ишлаб чиқариш ҳажмини 2021 йилдаги 3,526 минг тоннадан 2030 йилда 7,1 минг тоннага ошириш режалаштирилган. Мақсадга эришилгач, Ўзбекистон уран ишлаб чиқариш ҳажми бўйича Қозоғистондан кейин иккинчи ўринга чиқади.
Шунингдек, 2022—2030 йилларда геология-қидирув ишларини фаоллаштириш ҳисобига уран захираларининг ўсиш суръати кўрсаткичлари – 4,7 минг тоннадан 10,5 минг тоннагача етиши тасдиқланди.
Қарор билан Ўзбекистонда уран қазиб олишни кўпайтириш бўйича умумий қиймати қарийб 460 млн долларлик 20 та инвестиция лойиҳаси рўйхати тасдиқланди.
2021 йил маълумотларига кўра, Ўзбекистон уран захиралари бўйича дунёда еттинчи, қазиб олиш бўйича эса бешинчи ўринда туради.
Мамлакат уран маҳсулотлари истеъмолчиси эмас ва ишлаб чиқарилган барча уран экспорт қилинади.
Аввалроқ энг кўп уран ишлаб чиқарувчи давлатлар рейтинги эълон қилинганди.
Изоҳ (0)