Европа қитъадаги энг муҳим дарёнинг сув танқислигидан азият чекмоқда

Bloomberg нашри Европадаги энг муҳим дарёда сув танқислиги кузатилаётгани ҳақида хабар берди. 

Сув етишмаслиги Швейцарияда нефть маҳсулотлари билан таъминлаш муаммоларини келтириб чиқармоқда. 

Бундан ташқари, Германиядаги камида иккита электр станцияси барча керакли кўмирни олишига қийналмоқда. 

Қолаверса, келгуси ҳафтада қитъанинг ёзги жазирама ҳарорати янада юқорига кўтарилиши прогноз қилинмоқда.

Тахминан 1288 километрлик Рейн дарёси Швейцариядан Шимолий денгизга оқиб ўтади ва ўн миллионлаб тонна товарларни ички Европа орқали етказиб беришга ёрдам беради. 

Ҳукумат маълумотларига кўра, сув сатҳи камида 2007 йилдан бери энг паст даражада бўлиб, бу дарё бўйлаб кўплаб ёқилғи, кўмир ва бошқа муҳим юкларни олиб ўтишни чеклайди.

Бу Германия темир йўлларининг сиғим билан боғлиқ муаммолари билан бир қаторда, Швейцария нефть маҳсулотларини етказиб бериш билан курашаётганини англатади. 

Шу билан бирга, Германиянинг Mannheim ва Карлсруeдаги Grosskraftwerk Mannheim ва EnBW компаниялари томонидан бошқариладиган электр станциялари саёз сув туфайли кўмир олишда қийналмоқда. 

Германия, шунингдек, Рейн бўйлаб нефть маҳсулотларини, шу жумладан ёнилғи ва иссиқлик мойини импорт қилади.