Украина Россия нефти бўйича судга мурожаат қилиш билан таҳдид қилди

Украина Европа ва Американинг бир қанча йирик банкларини Россияни қўллаб-қувватлаётганликда айблаб, мамлакат нефтига боғлиқ компаниялардан у билан алоқаларни узишни талаб қилмоқда. Бу ҳақда Financial Times хабар берди.

Украина президентининг иқтисодий маслаҳатчиси Олег Устенко банклар Россиядан нефть етказиб берувчи компанияларга кредит бериш орқали Россиянинг урушини узайтираётганини айтди.

Шунингдек, уларга Украинани қайта қуриш ишларини молиялаштиришга рухсат берилмаслигига ваъда берди ва молия институтларидан Россиянинг нефть ва газ компанияларидаги улушларини сотишни талаб қилди.

HSBC ва Cредит Агриcоле банклари Газпром ва Роснефть акцияларига эга. Citiгруп Россия нефти билан савдо қилувчи Лукойл ва Витол компанияларига кредит беради.

JPMorgan Витолга кредитлар беради ва унинг инвестиция фонди «Газпром», «Роснефть» ва «Сбербанк» акцияларига эга.

Устенко уруш тугагандан сўнг, Украина Адлия вазирлиги Халқаро жиноий судга (ICC) банкларга қарши даъво аризаси бериш ниятида эканлигини билдирди.

Украина разведка идоралари молиявий корпорацияларнинг Россия нефть ва газ саноатини қўллаб-қувватлаши ҳақида маълумот йиғмоқда, — дея қўшимча қилди Устенко.

Маълумотларга кўра, ICC ҳукуматлар ёки корпорацияларнинг ҳаракатларини текшира олмайди, лекин у ушбу ташкилотларнинг шахсларини текшириши мумкин.

Аввалроқ нега Украина донининг блокадаси дунёдаги очарчиликнинг асосий омили эмаслиги ҳақида хабар берилганди.