Ko‘p hollarda film yoki musiqiy premyeralar arafasida mashhur shaxslarning hayoti haqidagi “achchiq” haqiqatlar ommaviy axborot vositalarida e’lon qilinadi. Bitta loyihada ishtirok etgan mashhurlarning birga uchrasha boshlagani haqida mish-mishlar tarqaladi. Mish-mishlar susayishi bilan ularning “sevgi”si ham yo‘qoladi. Bu esa ularning munosabati piar bo‘lganini anglatadi.
Kristin Styuart va Robert Pattinson
“Sumerki” filmining 2008-yildagi namoyishidan so‘ng, vampirlar haqidagi kinokartina mashhurlikka erishdi va kassalardagi rekordni yangiladi. Tomoshabinlar filmning yana davomi borligiga ishondi va ular Kristin Styuart va Robert Pattinsonning kinodagi his-tuyg‘ularini haqiqiy hayotga ko‘chirdi. Umuman olganda, juftlikning o‘zi bu mish-mishlarning tarqalishiga sababchi bo‘ldi, chunki ular doim tadbirlarda birga ko‘rinish berdi. Biroq filmning so‘nggi qismi chiqqanidan so‘ng, ularning munosabatlari piar ekanligi ma’lum bo‘ldi va shundan so‘ng Styuart e’tiborini ayollarga qaratdi.
Ledi Gaga va Bredli Kuper
“Yulduz tug‘ildi” kinofilmi Ledi Gaga va Bredli Kuper o‘rtasidagi romantik sahnalarga to‘la edi. Tomoshabinlar ularning munosabatlari haqiqiy ekaniga ishondi. Bundan tashqari Irina Sheyk ham o‘sha paytda aktyor bilan ajrashganini tasdiqladi. Vaqt o‘tib tomoshabinlarning taxmini haqiqatga yaqindek tuyuldi, biroq loyiha har xil mukofotlarni olganida juftlikning munosabati tugadi.
Mila Kunis va Jastin Timberleyk
Mila va Jastinning munosabatlari juftlik ishtirokidagi bir filmdan keyin boshlangan. Ularning piar munosabatlari sabab tomoshabinlar e‘tiborini filmga jalb qilish uncha ko‘p kuch talab qilmagan. Tadbirlarda birga ishtirok etishning o‘zi bunga kifoya qildi. Kinofilmning prokatlari tugashi bilan Kunis va Timberleykning “ishqiy munosabatlari” yakuniga yetdi.
Eshton Katcher va Brittani Merfi
“Turmush qurganlar” filmi Eshton va Brittani o‘rtasidagi ehtirosli munosabatlarga oid ko‘plab mish-mishlarga sabab bo‘ldi. Ammo ularning piar bo‘lgan munosabatlari bir yil ham davom etmadi. Biroq 2009-yilda Merfining vafotidan keyin chin dildan motam tutgan Katcher hurmat ko‘rsatishga arziydi.
Rayan Gosling va Reychel Makadams
Rayan va Reychel “Xotira kundaligi” filmining suratga olish jarayonida bir-biriga chiday olmaganliklarini bir necha bor tan olgan. Biroq juftlik omma oldida butunlay boshqacha his-tuyg‘ularni ko‘rsatadi. Ish jarayonidagi taniqli insonlar bu holatga ko‘nikib qolgan. Juftlik bir-birining yaxshi tomonini qadrlaydi. Ular kinofilm chiqarilgandan keyin uch yil davomida haqiqiy munosabatda bo‘lgan.
Kameron Dias va Mett Dillon
Bu jutflikning ham aslida piar bo‘lgan munosabati “Merini deb hamma aqldan ozgan” loyihasi ustida ish olib borilgunga qadar davom etdi. Muxlislar o‘zlarini aldangandek his qilmasliklari uchun, Kameron va Mett buni kasbiy jihatdan mos kelmaslik deb izohlagan.
Klaudia Shiffer va Devid Kopperfild
Bu juftlik 90-yillarning eng ko‘p muhokama qilingan juftliklaridan biri edi. Ularning birinchi uchrashuvi kelajakdagi melodrama uchun ssenariy bo‘lib xizmat qilgan. Ko‘p o‘tmay mashhurlar to‘y qilmoqchi ekanligini ma’lum qiladi. Biroq ular 1999-yilda munosabatlari piar bo‘lganini aytgan.
Mavzuga doir:
- Anjelina Joli, Liam Nison va filmlardagi qahramonlarining taqdirini takrorlagan boshqa mashhurlar (foto).
- Mila Kunis, Keyt Middlton, Tom Kruz : muxlislari bilan oila qurgan mashhurlar (foto)
- 43 yoshli Zolushka, Elzadek kiyingan haqiqiy malika: ertak qahramoni kabi kiyinib, hammaning e’tiborini tortgan mashhurlar (foto)
- Ijtimoiy tarmoqlardan foydalanishga taqiq, ovqatlanish uchun “pora”. Mashhurlar farzand tarbiyalashda amal qiladigan noodatiy qoidalar
Izoh (0)