Пишириқлар учун мўлжалланган пергамент қоғоздан фойдаланишнинг сиз кутмаган 12 усули

Пергамент ёки қандолат қоғози 1927 йилда пайдо бўлган ва ҳозир деярли ҳар бир уйдан уни топиш мумкин. Лекин ундан печнинг пишириқ варағини ҳимоя қилишдан кўра кўпроқ нарса учун фойдаланиш мумкин. «Новий очаг» нашри бунинг 12 та кутилмаган усули билан таништирди.

Тутқичлар ва жўмраклар учун

Хромланган юзалар, албатта, замонавий кўринади, аммо уларга тоза сақлаш осон эмас. Пергамент қоғоз эса бу борада ажойиб ёрдамчи. Қоғоз мум билан сингдирилган, шунинг учун у билан тутқичлар артилганда, юзаларда ҳимоя қатламини қолдиради. Бундан ташқари, қоғоз зангламайдиган пўлатдан бармоқ изларини тезда олиб ташлайди.

Дазмол учун

Дазмолнинг сирти қандолат қоғози билан артилса, у матолар устида яхшироқ ҳаракатланади. Шунингдек, пергамент қоғоз юзасига туз сепиб дазмол қилиш ҳам мумкин. Аммо дазмол жуда эскирган ва таг қисми қорайган бўлса, янгисини сотиб олиш яхшироқ.

Микротўлқинли печ учун

Микротўлқинли печнинг деворларига соус ва ёғлар сачрамаслиги учун идишни пергамент билан ёпиш керак. Натижада микротўлқинли печни камроқ тозалашга эришиш мумкин.

Китоблар учун

Агар тасодифан китоб ёки дарслик варақларига сув тўкилса, саҳифалар ажратиб олинади ва уларнинг орасига пергамент қўйилади. Бу усул қоғоз қуриганида буришиб қолмаслигига ёрдам беради.

Раковина учун

Раковина остидаги қувурдан сув оқаётган бўлса, уни пергамент қоғози билан зич қилиб ўраб қўйиш мумкин.

Бўёқ учун

Қоғоздан доира шакли кесилиб, бўёқ солинган идишга солинади ва қопқоқ ёпилади. Бу бўёқда қуруқ қатлам шаклланишига тўсқинлик қилади ва бўёқ сифатини ўзгаришига йўл қўймайди.

Пишлоқ учун

Супермаркетдан уйга қайтгандан сўнг пишлоқдан пластик плёнкани олиб ташлаб, уни пергаментга ўраш тавсия этилади. Шунда у ўзининг таъмини яхшироқ сақлайди ва пишлоққа ҳаво киришига имкон беради.

Матолар учун

Табиий матоларни пергаментда сақлаш яхши, у намлик ва ёруғликни ўтказмайди.

Шкафлар учун

Вақт ўтиши билан ёғ ва чанг қатлами билан қопланадиган ошхона жиҳозлари ва музлаткичларнинг сиртларини ҳимоя қилиш учун пергамент ишлатиш мумкин. Яхши томони уларни артиб, ювиш шарт эмас, лекин фақат ҳимоя қоғози қатламини ўзгартириш кифоя қилади.

Замок учун

Замок ўз чизиғи бўйлаб текис ҳаракатланиши учун уни пергамент қоғоз билан суриш керак.

Очқич учун

Пергамент қоғоз билан очқичнинг ичига тиқилиб қолган ёғни тозалаш жуда қулай.