Жазирама кунларда ичимликлар билан бир қаторда организмни ҳам қандай қилиб тезроқ совитиш йўлларини билиб олинг.
Ичимликни тез совитиш учун ҳўл сочиқни ишлатинг
Бир марта ишлатиладиган сочиқ ёки салфеткалар энг яхшисидир. Уларни сув билан намланг, сода, пиво ёки шаробни ўранг ва музлаткичга 15 дақиқага қўйинг. Намликнинг буғланиши совутиш жараёнини тезлаштиради.
Ичимликни тезроқ совутиш учун муз ва туздан фойдаланинг
Муз кубларини идишга солинг (қанча кўп бўлса, шунча яхши), бир оз сув қуйинг ва бир ош қошиқ туз солинг. Ичимлик қутиси ёки шишаси аралашмага тўлиқ ботиб туриши лозим.
Туз туфайли ҳарорат пасаяди ва эритма идишдан иссиқликни интенсив равишда олади. Ичимлик ўн даражага совиши учун бир неча дақиқа кифоя қилади.
Вентиляторни кондиционерга айлантиринг
Буни муз билан қилиш мумкин. Муз бўлакларини идишга солиб, вентилятор олдига қўйинг. Ҳаво муздан ўтиб, хона оз бўлса-да, совийди.
Автомобиль эшиги ёрдамида салонни совитиш мумкин
Йўловчи томонидаги ойнани пастга туширинг, сўнгра ҳайдовчи эшиги билан йўловчи бўлимига ҳаво ҳайдаб, эшикни бир неча бор очиб-ёпинг. Бир неча дақиқадан сўнг ҳаво салқинлашади.
Шишадан совуқ сув учун термос тайёрланг
Шишанинг учдан бир қисмини тоза фильтрланган сув билан тўлдиринг, сўнгра музлатгичга қўйинг. Шиша ётиши керак — суюқлик девор бўйлаб бўйнидан пастга тарқалади.
Бир неча соатдан кейин шишага сув, шарбат, музли чой ёки қаҳва қуйишингиз мумкин. Девордаги муз аста-секин эрийди ва бутун ҳажмни тенг равишда совитади.
Лосьонни музлаткичга қўйинг
Кунига бир неча марта терига суртинг. Бу бироз совитишга ёрдам беради. Музлаткичда бошқа маҳсулотларни ҳам сақлашингиз мумкин: юз креми ва тоник, матоли ва қайта ишлатиладиган юз ниқоблари, кўз атрофидаги тери учун гидрогел патчлари ва бошқалар. Иссиқ кунда совитилган маҳсулотлардан фойдаланиш жуда ёқимли бўлади.
Ёстиқ жилдларини музлаткичда совитинг
Буни ётишдан бир соат олдин бажаринг, шунда улар салқинни кўпроқ ушлаб туради ва иссиқ кечани бироз қулайроқ қила. Агар музлаткичнинг ўлчами катта бўлса, ёстиқнинг ўзини ҳам қўйишингиз мумкин.
Пляж тўшаги сифатида эластик чойшабдан фойдаланинг
Уни қумга ёйинг, ён томонларини кўтаринг, сумкалар ва бошқа нарсалар ёрдамида уларни кўтарилган ҳолатда маҳкамланг.
Ҳўл қумдан тозалаш учун болалар кукунини олинг
Уни оёқларингизга, қўлларингизга ёки танангизнинг бошқа қисмларига ҳам сепишингиз мумкин. Кукун тезда намликни ўзлаштиради ва қум доналари тезда тўкилиб кетади.
Изоҳ (0)