13 июлга ўтар кечаси Луганск HIMARS ракета қурилмаларидан ўққа тутилди. Херсон вилоятининг «янги ҳокимияти» Украина Қуролли кучларини буғдой далаларига ўт қўйганликда айблади. Урушда биринчи россиялик ҳарбий аёл вафот этди — Волгоград шаҳридан бўлган Анастасия Савицкая. Шимолий Корея ДХР ва ЛХРнинг мустақиллигини тан олди, бунга жавобан Украина КХДР билан дипломатик муносабатларни узди. Истанбулда Қора денгиз портларидан ғалла экспорти бўйича музокаралар бўлиб ўтди: мувофиқлаштириш марказини ташкил этиш бўйича келишувга эришилди. Россия ва Донбасс республикалари қўшинлари Северск шаҳри чегарасига кирди. Meduza урушнинг 140-кунига оид асосий фотосуратларни жамлади.
Киев вилояти
Мудофаа жангчилари Буча яқинидаги машғулотлардан сўнг тушлик қилишга йиғилди. Киев вилоятидаги бу шаҳар урушда Россия ҳарбий жиноятларининг асосий рамзига айланган.Фото: AFP
Донбасс шимоли
Луганск вилояти, Рубижной шаҳри кўчаларидан бирида юрган маҳаллий аҳоли. Россиянинг Украинага бостириб киришидан олдин шаҳарда 60 мингдан ортиқ одам яшаган. Ҳозир у бутунлай вайрон қилинган.Фото: «ТАСС»
Украина ҳарбийлари Славянскнинг саноат қисмидаги ҳудудни текширмоқда. 13 июль куни рус қўшинлари шаҳарга бир неча бор авиазарбалар берди. Зевс Cерамиcа заводининг биноси шикастланган, Россия армиясининг Славянскка ҳужуми йўлида жойлашган иккита кўприк эса вайрон қилинган.Фото: Anadolu
Баҳмут шаҳрида яшовчи 79 ёшли киши Россия ракеталаридан вайрон бўлган уйи ёнида. Ҳужум оқибатида бир киши ҳалок бўлди, беш киши яраланди. Снарядлар саккизта уйга зарар етказган.Фото: AFP
Украина Қуролли Кучлари аскари окопда.Фото: AFP
Зирҳли машина ёнида турган украиналик аскар.Фото: AFP
Фото: AFP
Украина ҳарбийлари Т-72 танкида фронт чизиғига яқин ҳудудда ҳаракатланмоқда.Фото: AFP
Мариупол
Россиянинг миналарни тозалаш бўйича мутахассислари юқори кучланиш линияси бўйлаб миналарни қидирмоқда ва зарарсизлантирмоқда. Мутахассисларнинг фикрича, Украинани тўлиқ миналардан тозалаш 10 йилгача давом этиши мумкин.Фото: AP Photo
Изоҳ (0)