Агар сиз оилавий бюджетни оптималлаштиришни бошлашга қарор қилган бўлсангиз, арзонроқ нархдагиси билан алмаштирмаслигингиз керак бўлган нарсалар рўйхатини тақдим этамиз.
Кундалик парвариш маҳсулотлари
Душ гели, шампунлар ва ҳаттоки суюқ совун каби арзон косметика маҳсулотларида мавжуд бўлган консервантлар синтетик СЛС ёки алюминийнинг фаол моддаларини ўз ичига олиши мумкин. Ушбу компонентлар барча оила аъзоларингизнинг соғлиғига салбий таъсир қилади. Шунинг учун қимматроқ, қўшимчаларсиз табиий маҳсулотларни харид қилган яхшироқ.
Идиш ювадиган суюқликлар
Ҳар қандай идиш ювиш воситаси идиш-товоқда қисман бўлса ҳам сақланиб қолиши ва овқат билан бирга истеъмол қилиниши мумкин. Шунинг учун уларни сотиб олаётганда композицияга диққат билан қараш ва сунъий моддалар, ЭДТА ароматизаторини ўз ичига олган кимёвий моддалардан иборат маҳсулотларни танламаслик керак.
Матрас
Сиз ётоқхонага ҳар куни камида олти соат вақт сарфлайсиз. Уйқу сифати ҳаётингизга бевосита таъсир қилади ва бу матрасингизнинг ҳолатига боғлиқ. Агар матрас яхши бўлмаса, бел оғриғи, уйқусизлик юзага келади ва бунинг натижасида соғлиғингиз ёмонлашиши мумкин. Шунинг учун моддалари тежалмаган, ишончли ишлаб чиқарувчини танланг.
Пичоқ
Пичоқ ошхонада ишлатиладиган асосий буюм ҳисобланади. Пичоқсиз ҳаттоки сендвич тайёрлаб бўлмайди, мураккаб овқатлар ҳақида гапирмаса ҳам бўлади. Қимматроқ пичоқ ёрдамида сиз помидор ёки кўкатларни ингичка қилиб осон тўғрасангиз бўлади. Аммо арзон ва сифати паст пичоқ билан бармоғингизни кесиб олишингиз мумкин. Шунинг учун қўлингизга қулай жойлашадиган ва ҳар қандай вазифани бажара оладиган кўп қиррали, юқори сифатли 20 см лик ошпаз пичоғини сотиб олганингиз маъқул.
Пластик идишлар
Микротўлқинли печда айрим пластик идишларни ишлатиш мумкин эмас. Улар кўп ҳолларда юқори ҳароратларда токсик модда — бисфенол А моддасини ишлаб чиқаради ва унинг кичик дозаси ҳам эндокрин тизимга салбий таъсир қилади. Шунинг учун сиз соғлиғингиз билан боғлиқ муаммоларга дуч келишни истамасангиз, микротўлқинли печда ишлатиш мумкин бўлган юқори сифатли пластмасса идишларни танлаганингиз маъқул.
Арзон идишлар
Агар ликопчаларингиз, идишларингиз лимон суви ёки шароб қуйилганидан сўнг рангини йўқоца улардан халос бўлиш кераклигини маслаҳат берамиз. Гап шундаки, бундай реакция сир таркибидаги оғир металлар борлигидан далолат беради. Бу ёмон ҳолат эмас, лекин улар узоқ муддатдан сўнг соғликка таъсир қилиши мумкин.
Хавфсизлик датчиклари
Кўпчилик тутун детекторлари ва сув оқишини мониторинг қилиш тизимларини унчалик муҳим нарса деб ҳисобламайди. Қачонлардир содир бўладиган бахтсиз ҳодисани олдини олишни мантиқан тўғри иш деб билишмайди. Лекин бу қурилмалар ҳаётни сақлаб қолиши мумкин ва сотиб олишга арзийди.
Мавзуга доир:
Изоҳ (0)