Malinali murabbo: pishgandan keyin mevalarning shakli va rangini saqlab qolishda yordam beradigan 3 maslahat

Rezavor mevalar sirasiga kiruvchi malinadan murabbo tayyorlashda uning rangini va shaklini saqlab qolishning bir nechta usullari bor.

Suv bilan yuvmang

Ko‘plab uy bekalari rezavor mevalarni yuvib qaynatadi. Bu yuvilish jarayonida mevalarning shaklini va rangini yo‘qotishiga olib keladi. Agar mevalarni o‘zingiz yetishtirgan bo‘lsangiz, ularni yuvmasdan qaynating. Bu jarayonda ularning shakli va rangi saqlanib qoladi.

Me’yorida qo‘shilgan shakar

Agar siz 1 kilogramm malinaga xuddi shuncha shakar qo‘shsangiz, murabbo mukammal darajada bo‘ladi. Pishirishdan oldin toza va quruq malinalarni shakar bilan aralashtirib bir kecha qoldirish kerak.

Maxsus pishirish texnologiyasiBirinchi usul:

Agar siz malina murabbosini an’anaviy tarzda pishirsangiz, rezavorlarning shakli, rangi va mazasini yo‘qotishingiz mumkin. Shuning uchun malinani 3 marta tanaffus bilan qaynatib oling va murabboni sterillangan idishlarga quying.

Ikkinchi usul:

1. Malina va shakar bir kecha qoldirilgandan keyin undan hosil bo‘lgan sharbatni to‘kib tashlang va malina, shakar aralashmasini idishga quying.
2. Sharbatni qaynatib oling va idishdagi rezavor mevalar ustiga issiq siropni soling.
3. Murabboni qaynating va qaynagan paytdan 5 daqiqa davomida pishiring.
4. Sterillangan idishlarga issiq murabboni quying.

• Malina qo‘shib tayyorlanadigan shokoladli pirog retsepti
• Ko‘proq malina iste’mol qilishni boshlash uchun 5 sabab
• Malina va qaymoqdan tayyorlanadigan mazali shirinlik retsepti