Фарғона вилоятининг Бағдод туманидаги бозорда ўзганинг сумкасидан пул ўғирлаган аёл қўлга олинди. Бу ҳақда «Дарё»га вилоят ИИБ ахборот хизмати маълум қилди.
Қайд этилишича, 2022 йилнинг 7 июль куни Т.М. исмли аёл туман ички ишлар бўлимига мурожаат қилиб, бозорда сумкасидан 160 минг сўм пулини номаълум шахс яширин равишда ўғирлаб кетганини билдирган.
Ўтказилган тезкор қидирув ҳаракатлари натижасида ушбу жиноятни 31 ёшли А.И. исмли аёл содир этгани аниқланган.
Мазкур ҳолат юзасидан Бағдод тумани ИИБ ҳузуридаги тергов бўлими томонидан Жиноят кодексининг 169-моддаси 2-қисми (ўғрилик) билан жиноят иши қўзғатилиб, тергов ҳаракатлари олиб борилмоқда.
Изоҳ (0)