Фарғона шаҳрида Nexia машинасида қоида бузган ЙПХ ходимига чора кўрилди. Бу ҳақда вилоят ИИБ ЙҲХБ ахборот хизмати маълум қилди.
Маълум қилинишича, ижтимоий тармоқларда вилоят ИИБ ЙҲХБ йўл-патруль хизмати инспектори бошқарувида бўлган давлат рақами 40 О 788 UА бўлган Nexia автомашинаси йўл ҳаракати қоидаларини бузгани акс этган видеолар тарқатилган.
Ушбу ҳолат Фарғона вилояти ИИБ ЙҲХБ томонидан ўрганилганда 40 О 788 UА бўлган Nexia ҳайдовчиси йўл ҳаракати қоидаларига амал қилмасдан, йўлнинг қатнов қисмидаги чизиқлар билан белгилаб қўйилган талабларга риоя этмасдан ҳаракатлангани аниқланган.
Жорий йилнинг 6 июль куни ЙПХ инспекторига нисбатан Маъмурий жавобгарлик тўғрисидаги кодекснинг 128-моддаси 1-қисми тартибида баённома расмийлаштирилган бўлиб, у 150 минг сўм миқдорида жаримага тортилган.
Изоҳ (0)