Ёз мавсумида совуқ сув ва ҳатто муздан фойдаланган ҳолда муолажалар ўтказиш ҳар доимгига қараганда кўпроқ учрайди. Чунки бу тезроқ терини совитишга ёрдам беради. Шунингдек, аксарият инсонлар юз терисини яхшилаш учун ҳам совуқ сувда ювишни афзал кўради. Аммо дерматологлар бу ҳақда қандай фикрда? Grazia нашри ушбу саволга жавоб берди.
Совуқ сув терини иссиқ сув каби яхши тозаламайди, у тери тешикларини торайтиради, макияждан қолган қолдиқ, бактерия ва ёғларни ушлаб туради. Шунинг учун дерматологлар аввал юзни илиқ сув билан ювишни, кейин эса совуқ сув билан чайишни тавсия қилади. Жараён давомида махсус парвариш воситаларидан тозаловчи пенка ёки гелдан фойдаланишни унутмаслик лозим.
Шунингдек, мутахассислар юзни доим ҳам иссиқ сув билан ювишни тавсия қилмайди, чунки юқори ҳарорат экзема ва росацеа каби жиддий тери касалликларини қўзғатади, қолаверса, терини қуритади.
Изоҳ (0)