Профессионал бокснинг супер ярим ўрта вазн тоифасида ҳаракат қилаётган ўзбекистонлик Исроил Мадримов 9 июль куни Лондонда бўлиб ўтган бокс кечасида Мишел Сорога қарши жанг ўтказди.
Дастлабки икки раундда Исроил Мадримов нисбатан фаолроқ ҳаракат қилди ва устунликни ўз томонига оғдирди. 3-раунд аввалида франциялик боксчининг қоши ёрилиб кетиши натижасида жанг муддатидан аввал якунланди. 12 раундга мўлжалланган баҳсда ҳакамлар дуранг натижа қайд этди. Шу тариқа ғолиб номи аниқланмади.
Эслатиб ўтамиз, Мадримов ва Соро 2021 йил 17 декабрда Тошкентда илк бор тўқнаш келган эди. Жангнинг 9-раундида гонг овозини эшитмаган Мадримов рақибга бир неча зарбалар йўллаши натижасида техник нокаут қайд этилган эди. Бундан норози бўлган Соро жамоаси ташкилотга реванш берилишини сўраб мурожаат қилганди. WBA Соро жамоасининг сўровини қабул қилган ва Мадримовга реванш жангида иштирок этиш мажбуриятини қўйганди.
WBA Super камари айни дамда Жермелл Чарлога тегишли ҳисобланади.
Изоҳ (0)