«Реал» Марко Асенсио ва Дани Себальос учун қанча пул олишни хоҳлаётгани маълум бўлди.
ABC хабарига кўра, Асенсио кўпроқ ўйин амалиётига эга бўлишни хоҳлайди, «Реал» бош мураббийи Карло Анчелотти эса унга буни ваъда қила олмайди. Агар Маркога 50 миллион евролик таклиф тушса, Мадрид унинг кетишига тўсқинлик қилмайди, бироқ айни дамда вингер учун расмий таклифлар йўқ.
Шунингдек, ярим ҳимоячи Себальос ҳам кўпроқ майдонга тушишни истайди — у ЖЧ—2022 да Испания терма жамоаси таркибидан ўрин олишни мақсад қилган. Дани «Реал»ни тарк этишга тайёр, клуб унинг трансферидан камида 15 миллион евро олмоқчи.
Агар Себальос шу ёзда «Реал»да қолса, клуб унга янги шартнома имзолаш борасида босим ўтказади. Испанлар келаси ёзда футболчини текинга қўйиб юбормоқчи эмас.
Изоҳ (0)