Май ойида Хитой Россиядан ўтган йилнинг шу даврига нисбатан 55 фоизга кўп нефть экспорт қилиб, рекорд даражани қайд этди. Бу ҳақда Reuters хабар берди.
Хитой компаниялари Россия нефтини санкциялар фонида арзонлашгани сабабли сотиб олишни бошлаган.
Хитой Бош божхона бошқармаси маълумотларига кўра, май ойида Россия нефтининг импорти деярли 8,42 млн тоннага етган. Бу кунига тахминан 1,98 млн баррелга тўғри келади.
Саудия Арабистони Хитой томонидан сотиб олинган нефть ҳажми бўйича иккинчи ўринни эгаллади. Ундан етказиб бериш ўтган йилнинг шу даврига нисбатан 9 фоизга ошиб, 7,82 млн тоннага етган.
Хитой, шунингдек, Эрондан 260 минг тонна, Малайзия ва Бразилиядан яна 2,2 млн тоннадан хом нефть импорт қилган.
Хитойнинг умумий хом нефть импорти май ойида деярли 12 фоизга ошиб, кунига 10,8 млн баррелни ташкил этди.
Бундан ташқари, Хитой Россиядан суюлтирилган газ (LNG) импортини оширди. Май ойида у деярли 400 минг тоннага етди, бу ўтган йилга нисбатан 56 фоизга кўпдир.
2022 йилнинг дастлабки беш ойида Россиядан LNG импорти 22 фоизга ўсиб, 1,84 млн тоннани ташкил қилди. Таъминот асосан Узоқ Шарқдаги Сахалин-2 лойиҳаси ва Арктикадаги Ямал LNG томонидан таъминланган.
Аввалроқ Эрон Россия билан рақобат сабаб Хитой учун нефть нархини пасайтиргани ҳақида хабар берилганди.
Изоҳ (0)