Хитойнинг қарзи бу йил рекорд даражага етиши мумкин, чунки марказий банк кредитларни кўпайтиришга ва курашаётган иқтисодиётни қўллаб-қувватлашга ҳаракат қилмоқда. Бу ҳақда Bloomberg хабар берди.
Хитойда умумий кредит коэффициенти — жами қарзнинг ялпи ички маҳсулотга нисбатан улуши жорий йилда 11,3 фоиз пунктга ўсиб, 275 фоиз атрофида бўлиши кутилмоқда.
Бу орқали Марказий банк бухгалтерия балансини кенгайтириб, иқтисодиётни кучайтирмоқчи.
Хитой 2017 йилдан бери қарздорликни кўпайтирган ва иқтисоддаги молиявий хавфни оширганидан кейин левераж коэффициентини жиловлашга ҳаракат қилмоқда.
Жами глобал қарз эса 2022 йилнинг биринчи чорагида яна 3,3 трлн долларга ошиб, янги рекорд даражага етган эди. Умумий қарз 305 трлн долларни ёки жаҳон ялпи ички маҳсулотининг 348 фоизини ташкил этди.
Ялпи ички маҳсулотга нисбатан қарз ҳозирда 2021 йилнинг биринчи чорагидаги энг юқори чўққисига нисбатан 15 фоизга кам. Молиявий секторсиз умумий қарз 236 трлн долларни ташкил этади, бу пандемия бошидагидан 40 трлн долларга кўпдир.
Қарзнинг катта қисми ҳамон иқтисодиёти ривожланган мамлакатларга тўғри келади – 206,7 трлн доллар (бир йил аввал – 204,4 триллион доллар). Ривожланаётган мамлакатларда эса бу кўрсаткич 98,6 трлн долларга етди.
Изоҳ (0)