Тошкент экспатлар учун энг арзон шаҳарлар орасида 7-ўринни эгаллади. Бу ҳақда Инсон ресурсларини ўрганиш бўйича дунёдаги энг йирик консалтинг ташкилоти Mercer ҳисоботидан маълум бўлди.
Экспат — ўз давлатидан ташқарида яшовчи мутахассис. Меҳнат мигранти ва муҳожирдан фарқи — юқори малакага эгалиги. Одатда экспатлар Шарқ давлатларда яшовчи ғарблик фуқаролар бўлади.
Рейтингда энг қиммат шаҳар деб Гонгконг қайд этилган. Ундан кейинги ўринларни Швейцариянинг 4 та шаҳри — Зюрих, Женева, Базел ва Берн эгаллаган.
Тошкент 2018 йилда экспатлар учун энг арзон шаҳар деб эълон қилинган эди. 2019 йилда эса у бу ўрнини йўқотди. Шундан бери Ўзбекистон пойтахти экспатлар учун қимматлашиб бормоқда.
Бу сафарги энг арзон шаҳарлар рўйхатида Анқара биринчи ўринни эгаллади. Бу борада ўнликда Туркиянинг яна бир шаҳри Истанбул 6-ўринда кўрсатилган.
Қирғизистоннинг Бишкек ва Тожикистоннинг Душанбе шаҳарлари мос равишда 2- ва 3-ўринда қайд этилган. Қозоғистоннинг Олмаота шаҳри экспатлар учун дунёнинг тўққизинчи энг арзон шаҳари бўлди.
Аввалроқ ишлаш-яшаш мувозанати бўйича дунёдаги энг яхши шаҳарлар эълон қилинганди.
Изоҳ (0)