АҚШнинг Иллинойс штати, Чикаго шаҳрига қарашли Хайленд-Парк шаҳарчасида Мустақиллик кунига бағишлаб ўтказилган парадда отишма ташкил қилишда гумонланувчи Лейк-Форест шаҳрида қўлга олинди, деб ёзади «РБК».
CNN телеканали маҳаллий ҳукуматга таяниб хабар беришича, гап 22 ёшли Роберт Кримо III ҳақида бормоқда. Гумонланувчи қочиб кетгани туфайли, полиция уни отишмадан кейин дарҳол тута олмаган. Охир-оқибат йигитни Шимолий Чикаго полициячилари кўриб қолган ва қўлга олган.
Хайленд-Паркдаги отишма 4 июль куни эрталаб юз берди. Ўқотар бинолардан бирининг томида бўлган. Полиция тахмин қилишича, у томга қўриқланмаётган ташқи зиналар орқали чиқиб олган. Отишма олиб борилган жойдан полициячилар сойли милтиқ (винтовка) топган.
Сўнгги маълумотларга қараганда, отишма оқибатида олти киши ҳалок бўлиб, қарийб 20 киши жабрланган. Reuters ва NBC Chicago 26 нафар жабрланувчи ҳақида ёзмоқда, уларнинг 25 нафари ўқотар қуролдан яраланган.
АҚШ президенти Жо Байден воқеани изоҳлар экан, «қуролли зўравонлик эпидемияси» қарши курашни тугатмоқчи эмаслигини айтиб, маҳаллий ҳукуматга ёрдам таклиф қилди ва федерал ҳуқуқ-тартибот органларидан текширувда ёрдам беришни сўради.
Изоҳ (0)