Авиация соҳасида 65 йил ишлаган бостонлик аёл дунёдаги энг кекса стюардесса сифатида Гиннеснинг рекордлар китобига кирди.
86 ёшли Бетте Неш 1957 йилда ҳозир ёпилиб кетган Eastern Airlines авиакомпаниясида стюардесса бўлиб ишлай бошлаган. Бугунги кунда аёл American Airlines компаниясида ишлайди.
Нешнинг айтишича, у фаолиятининг катта қисмини Нью-Йорк—Бостон—Вашингтон рейсида ўтказган, чунки бу унга ногирон ўғлини парваришлаш учун тунда уйига қайтиш имконини беради.
Гиннеснинг рекордлар китобига кўра, Неш айни пайтда дунёдаги энг кекса ишлайдиган стюардесса ҳисобланади.
Изоҳ (0)