Ўзбекистондаги дам олиш масканлари, хусусан, Бўстонлиқ туманидаги туристик ҳудудларда сайёҳларга хизмат кўрсатиш нархлари анча қиммат. Айрим ижтимоий тармоқ фойдаланувчилари у ерларда дам олиш харажатларини Туркия ёки сайёҳларга хизмат кўрсатиш салоҳияти юқори бўлган бошқа мамлакатлардаги нархларга тенглаштиради. Хўш, бунинг сабаблари нимада? Туризм ва маданий мерос вазири ўринбосари Ботиржон Шаҳриёров журналистлар билан суҳбатда ушбу саволга жавоб қайтарди.
Ботиржон Шаҳриёровнинг айтишича, тизимдаги асосий муаммо – талаб ва таклиф мувозанатининг ҳали изига тушмагани билан боғлиқ.
Бизда биласиз туризм соҳаси энди ривожланаётган тармоқ сифатида шаклланяпти. «Чорвоқ»қа бориб дам олиб келиш нуқтаи назардан айтсак, ҳаммамиз вақтимиз бўлса, табиат қўйнига чиқишни хоҳлаймиз. Албатта, у ерда талабга нисбатан таклиф жуда кам. Яъни туристик хизмат кўрсатувчи объектларимиз бугунги кунда етарли даражада эмас. Рақобат бўлмаса, таклиф кам бўлса, албатта, улар ўз нархларини айтишга кўпроқ манфаатдорлик кўради. Чунки буни хусусий туристик хизматлар кўрсатувчи объектлар – дачами, оромгоҳ ёки дам олиш зонасими, бугунги кунда давлат тасарруфида бўлган бундай дам олиш масканлари мавжуд эмас. Уларнинг барчаси хусусий секторга тегишли. Шунинг учун ҳам нархларни хусусий секторнинг ўзи белгилайди.Ботиржон Шаҳриёровнинг таъкидлашича, туризм соҳаси ривожига салбий таъсир қилаётган яна бир неча омиллар мавжуд.Нархларни белгилаш борасида қандайдир назорат тизими бозордан, талаб ва таклифдан келиб чиқиб белгиланади. Энди Туркияга келсак. Бугун Туркияда туризм бўйича яратилган шарт-шароитларни Ўзбекистонникини билан таққослашга ожизмиз. Чунки у даражага етишимиз учун ҳали кўп иш қилишимиз керак. Ҳамма гап шунда. Туркия кейинги 100 йил давомида ривожланган. 2016—2017 йилда бизда Истанбулга авиресларни қўйишнинг ўзи муаммо бўлган. Бугунги кунда нафақат Тошкентга, балки Самарқанд, Урганч, Бухоро шаҳарларига Туркиядан тўғридан-тўғри авиарейслар қатнови қўйилган. Биз бу йўналишларда ишлаяпмиз. Туркияга борадиган, асосий нарх авиация. Шунинг учун биз хорижий авиакомпаниялар билан ишлаб, уларни ҳам қўшимча рейсларини қўйиб, нархни барқарорлаштиришмиз мумкин бўлади.
Ботиржон Шаҳриёров, Туризм ва маданий мерос вазири ўринбосари
Ҳозир Ўзбекистонда 1 минг 500 га яқин туристик компаниялар бор. Яъни улар сони 2016 йилга нисбатан 5-6 баробарга кўпайган. Улар нега кўпаяди? Албатта, соҳада даромад яхши бўлса. Шундай компаниялар очилдими, туризмни ривожлантириш имкони пайдо бўлади. Кейинги масала, аҳоли даромад даражасини ошириш. Жойларда ишлаб чиқаришга, фермер хўжаликлари, кластерлар ташкил этишга эътибор кучайган. Бу ҳам бўлса, аҳолини иш билан таъминлаш орқали даромад олиши учун шароит яратишга ҳаракат. Шунда одамларда дам олишга ҳам имконият бўлади. Бу, албатта, бир кунда бўлмайди. Шу билан бирга, олдимизда транспорт логистикаси масаласи турибди. Тошкентдан Самарқанд ёки Бухорога саёҳатга чиқувчилар эътиборга олинса, бугун транспорт хизматимиз талабга тўлиқ жавоб бера олмайди. Масалан, поездга чипта олиш талаби билан чиқсангиз, чипта топа олмайсиз, авиация бўйича ҳам шу ҳолат. Аҳолининг саёҳат қилишга талаби кучайгани сари транспорт хизматига бўлган талаб ҳам ортади. Бугун транспорт соҳасини ривожлантиришга ҳам алоҳида этибор бериши зарур. Қўшимча поездлар, автобуслар, авиарейсларни йўлга қўйиш устида ишлашимиз керак бўлади. Бу, албатта, Туризм ва маданий мерос вазирлигининг иши эмас. Бу транспорт вазирлиги, бошқа ташкилот ва идоралар билан боғлиқ масала ҳисобланади.Аввалроқ Ботиржон Шаҳриёров ўзбекистонликларда саёҳатга чиқиш маданияти энди-энди шаклланаётгани, аҳолини ички туризмга тўлиқ қамраб олиш учун ҳали етарли даражада шароит яратилмаганини айтиб ўтганди.
Изоҳ (0)