Кўпчилик эрталабки сули бўтқаси бутун кун учун саломатлик ва энергия гарови ва ундан яхшироқ нонушта альтернативини топиш қийин, деб ҳисоблайди. Ҳар куни сули ёрмасини истеъмол қилиш ҳақиқатан ҳам фойдалими? Elle нашри тўғри овқатланиш бўйича мутахассис Алиса Шабановага бу борада мурожаат қилди.
Биринчидан, ҳар қандай сули ёрмаси фойдали деган фикр ҳақиқатдан узоқдир. Фақат тўлиқ дон сув ёки сутда қайнатилса фойдали бўлиши мумкин. Бир зумда тайёрланадиган яримтайёр жўхори унининг барча аналоглари танага зарарли бўлган кўп миқдорда шакар, қўшимчалар ва таъм кучайтиргичларни ўз ичига олади.
Иккинчидан, ҳар қандай ёрма ёрдамида вазн йўқотиш мумкин, деган фикр ҳам тўғри эмас. Кўпчилик ёрмани диетасига қўшиб, вазн йўқотиш жараёни ўз-ўзидан бошланишига ишонади. Бунинг учун донлар бутун ёки катта бўлакда бўлиши керак, сутда эмас, сувда қайнатилади, шунингдек, шакар ёки унинг ўрнини босувчи моддалар қўшилмаслиги керак. Бундан ташқари, диетологлар асосан спорт машғулоти бўлган кунларда бўтқа ейишни тавсия қилади — жисмоний фаоллик бўлганда мураккаб углеводлар тезроқ сўрилади.
Учинчидан, сули ёрмаси соғлом нонушта қилиш учун энг яхши вариант эмас. Гап шундаки, у организм учун жуда зарур бўлган протеиннинг жуда кам миқдорини ўз ичига олади. Шунинг учун бўтқани нонуштанинг иккинчи таоми сифатида истеъмол қилиш ёки уни протеинли таомлар — омлет, чизкейк, творог ёки бир бўлак пишлоқ билан еган маъқул.
Парҳезшунослар нонуштага бир неча турдаги донни аралаштирсангиз, энг мазали ва энг муҳими, соғлом бўтқа бўлади, деб ҳисоблайди — буғланган донлар енгил ҳазм бўлади, қаттиқроқлари стуктура беради ва кепаклилари эса соғлом қилади, чунки улар таркибида жуда кўп клетчатка бўлди.
Муҳими ёдда тутинг: ҳар қандай ҳолатда ҳам бўтқага шакар қўшманг. Унинг ўрнига мева ёки қуритилган мевалардан фойдаланишга ҳаракат қилинг — улар жўхори унига маза қўшади ва организмга зарар етказмайди. Мева дондан фарқли ўлароқ кўплаб витаминларни ўз ичига олади, уларнинг фойдали хусусиятлари иссиқлик билан ишлов бериш жараёнида йўқолади. Шунинг учун уларни дон билан бирга пиширмаган маъқул. Бундан ташқари, тайёр таомни янги резаворлар билан безатиш ҳам мумкин.
Изоҳ (0)