UAnimals жониворларни ҳимоя қилиш ташкилоти Голливуд актёри ғолибга Леонардо Ди Каприонинг дастхати топшириладиган ўйинни ташкиллаштиради. Тўпланган маблағлар урушдан жабр кўрган ҳайвонларни қутқаришга йўналтирилади. Бу ҳақда ташкилотнинг Instagram’даги саҳифаси орқали маълум қилинди.
Ўйинда иштирок этиш учун ҳайвонларни қутқаришга 10 доллар миқдорида хайрияни амалга ошириш лозим.
«Дастхат махсус экспертизадан ўтган, тегишли сертификатга ва World Memorabilia компаниясининг умрбод кафолатига эга, шу сабабли унинг ҳақиқийлигига шубҳа қилмаса ҳам бўлади», — дейилади хабарда.
Ғолиб 1 июль куни рандом орқали аниқланади.
«Леонардо Ди Каприо бир неча йиллардан буён йўқолиб кетиш хавфи остидаги ҳайвонларни ҳимоя қилиш билан шуғулланиб келади. Бундан ташқари, Лео дунё даражасида глобал иссиқлик, ёввойи ва денгиз экотизимини сақлаб қолиш каби масалаларни кўтариб келади», — дея таъкидлайди ташкилот.
Эслатиб ўтамиз, Леонардо Ди Каприо 2014 йилда иқлим муаммолари бўйича БМТнинг тинчлик элчисига айланганди.
Изоҳ (0)