UAnimals jonivorlarni himoya qilish tashkiloti Gollivud aktyori g‘olibga Leonardo Di Kaprioning dastxati topshiriladigan o‘yinni tashkillashtiradi. To‘plangan mablag‘lar urushdan jabr ko‘rgan hayvonlarni qutqarishga yo‘naltiriladi. Bu haqda tashkilotning Instagram’dagi sahifasi orqali ma’lum qilindi.
O‘yinda ishtirok etish uchun hayvonlarni qutqarishga 10 dollar miqdorida xayriyani amalga oshirish lozim.
“Dastxat maxsus ekspertizadan o‘tgan, tegishli sertifikatga va World Memorabilia kompaniyasining umrbod kafolatiga ega, shu sababli uning haqiqiyligiga shubha qilmasa ham bo‘ladi”, — deyiladi xabarda.
G‘olib 1-iyul kuni random orqali aniqlanadi.
“Leonardo Di Kaprio bir necha yillardan buyon yo‘qolib ketish xavfi ostidagi hayvonlarni himoya qilish bilan shug‘ullanib keladi. Bundan tashqari, Leo dunyo darajasida global issiqlik, yovvoyi va dengiz ekotizimini saqlab qolish kabi masalalarni ko‘tarib keladi”, — deya ta’kidlaydi tashkilot.
Eslatib o‘tamiz, Leonardo Di Kaprio 2014-yilda iqlim muammolari bo‘yicha BMTning tinchlik elchisiga aylangandi.
Izoh (0)