Хоразм вилоятининг Гурлан ва Янгибозор туманларида қалбаки акциз маркали алкоголь маҳсулотлари сотиб келган савдо дўконлари аниқланиб, жиноят ишлари қўзғатилди. Бу ҳақда Бош прокуратура ҳузуридаги департамент хабар берди.
Департаментнинг Гурлан туман бўлими томонидан ўтказилган терговга қадар текширувда, «Ў.С» хусусий корхонасининг Гурлан туманидаги савдо дўконида акциз маркасиз 588 қути «Esse Change», «Bisness Royals», «Моnd», «Мilanо Теch», «Мilanо Paris», «Мilanо London» ва «Мilanо Red» номли тамаки маҳсулотлари, шунингдек, қалбаки акциз маркали 314 дона «Қаратау», «Собраниe», «Roberto Cavalliа»ва «Bionicа» номи остидаги қўлбола усулда тайёрланган алкоголь маҳсулотлари савдога қўйилганли аниқланиб, ашёвий далил сифатида олинган.
Шу каби Янгибозор туманида ўтказилган терговга қадар текширувда, «Д.А» хусусий корхонага қарашли савдо дўконида қалбаки акциз маркали 240 дона «Дипломат», «Қаратау», «Шерюрак» ва «Добрий вечер» номи остидаги қўлбола усулда тайёрланган алкоголь маҳсулотлари савдога қўйилганлиги аниқланиб, ашёвий далил сифатида олинган.
Мазкур ҳолатлар юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)