Германияда июнь ойида инфляция йиллик кўрсаткичларда бироз пасайди — май ойидаги 7,9 фоизга нисбатан 7,6 фоизгача. Маълумотлар 29 июнь куни Германия Федерал статистика бошқармаси (Destatis) томонидан эълон қилинди.
Инфляциянинг пасайишига ҳукуматнинг ёнилғи субсидиялари ва ҳар хил турдаги жамоат транспорти учун ойига 9 еврога имтиёзли чипталари ёрдам берди.
Июнь ойида энергия нархи йиллик ҳисобда 38 фоизга ўсди (май ойида 38,3 фоиз эди), хизматлар нархларининг ўсиши ҳам секинлашди — май ойидаги 2,9 фоизга нисбатан 2,1 фоизга.
Умуман олганда, товарлар нархи май ойига нисбатан тезроқ ўсди — 14 фоизга (май ойида 13,6 фоиз эди).
Мутахассисларнинг фикрича, июнь ойида инфляция бироз пасайганига қарамай, яқин келажакда нархларнинг сезиларли даражада тушиши кутилмайди.
Аввалроқ инфляция сабабли глобал валюта урушлари бошлангани ҳақида хабар берилган эди.
Изоҳ (0)